Amaculo 135

₁DUMISANI uyehova! — Dumisani igama likayehova; dumisani, nina zicaka zikayehova! ₂nina nimiyo endlwini kayehova, nasemakusini endlu yotixo wetu! ₃Dumisani uyehova, ngokuba uyehova elungile; culani kwigama lake, ngokuba limnandi.

₄Ngokuba uyehova eqashile u‐Yakobi abe yeyake, no‐Sirayeli abe yinto enqabileyo kuye. ₅Ngokuba ndisazi ukuba uyehova umkulu, nokuba inkosi yetu ipezu kwotixo bonke. ₆Konke owakutandayo uyehova ukwenzile, ezulwini nasemhlabeni, elwandle nasezinzulwini zonke. ₇Uyenyusa amafu esipelweni somhlaba; uyenza imibane kunye nemvula; uyavelisa umoya ezimbekelweni zake.

₈Owabeta amazibulo ase‐Jipete, nawabantu nawenkomo: ₉watuma imiqondiso nemimangaliso pakati kwako, Jipete! pezu kwo‐Faro, napezu kwazo zonke izicaka zake. ₁₀Owabeta izizwe ezikulu, wabulala okumkani abanamandla: ₁₁u‐Sihone ukumkani waba‐Amori, no‐Hogi ukumkani we‐Bashane, nabo bonke ubukumkani base‐Kanane; ₁₂wanika umhlaba wabo ube lilifa, ube lilifa ko‐Sirayeli abantu bake.

₁₃Igama lako, Yehova! lingunapakade; isikumbuzo sako, Yehova! sikwisizukulwana ngesizukulwana. ₁₄Ngokuba uyehova eya kutetelela abantu bake, abe nosizi pezu kwezicaka zake.

₁₅Izitixo zabaheyideni zezesilivere negolide, umsebenzi wezandla zabantu. ₁₆Zinemilomo, kanti aziteti; zinamehlo, kanti aziboni; ₁₇zinendlebe, kanti aziva; kanjako akuko umpefumlo emilonyeni yazo. ₁₈Abo bazenzayo bayafana nazo; nabo bonke abatembela kuzo.

₁₉Bongani uyehova, ndlu ka‐Sirayeli! bongani uyehova, ndlu ka‐Arone! ₂₀bongani uyehova, ndlu ka‐Levi! bongani uyehova, nina nimoyikayo uyehova! ₂₁Makabongwe uyehova kwa se‐Ziyone, omiyo e‐Yerusaleme. — Dumisani uyehova.