Amaculo 132

₁YEHOVA! kumbula u‐Davide, nako konke ukubandezelwa kwake; ₂okokuba wafunga uyehova, wenza isibambiso kusomandla ka‐Yakobi: ₃Ngenyaniso andiyi kungena ententeni yendlu yam, andiyi kunyukela ekoyeni yesilili sam, ₄andiyi kunika amehlo am ubutongo, nenkope zam ukwozela, ₅ndide ndifumanele uyehova indawo, nosomandla ka‐Yakobi itabanakele.

₆Kangela, sayiva e‐Eferata; sayifumana ezindle zasehlatini. ₇Masingene etabanakeleni yake, sibedeshe esitulweni senyawo zake. ₈Pakama, Yehova! uze ekupumleni kwako, wena netyeya yamandla ako: ₉abaperisite bako mabambate ubulungisa, nabangcwele bako mabadanduluke ngovuyo. ₁₀Ngenxa ka‐Davide, isicaka sako, zungasongi ubuso bomtanjiswa wako.

₁₁Uyehova ufungile ngenyaniso ku‐Davide; akayi kuguquka kuyo: owenzalo yomzimba wako ndiya kumbeka eteroneni yako. ₁₂Nxa onyana bako baya kugcina ucebano lwam, nesinqi̔nelo sam endiya kubafundisa sona, onyana babo nabo bohlala eteroneni yako kude kube ngunapakade. ₁₃Ngokuba uyehova eqashile i‐Ziyone; uyinqwenele ibe yindawo yake yokuhlala, esiti: ₁₄Yeyokupumla kwam le kude kube ngunapakade: ndohlala apa, ngokuba ndiyinqwenele. ₁₅Ukudla kwayo ndokutamsanqelisa kakulu; amahlwempu ayo ndowakolisa ngesonka. ₁₆Kanjalo abaperisite bayo ndobavatisa ngosindiso; nabangcwele bayo bodanduluka kakulu ngovuyo. ₁₇Apo ndiya kuhlumisa upondo luka‐Davide: ndilungisele umtanjiswa wam isibane. ₁₈Intshaba zake ndozivatisa ngedano; kodwa pezu kwake siya kutyatyamba isitsaba sake.