Amaculo 118

₁BULELANI kuyehova, ngokuba elungile; ngokuba ububele bake bungunapakade. ₂Makatsho ke u‐Sirayeli ukuti: Ububele bake bungunapakade. ₃Mabatsho ke indlu ka‐Arone ukuti: Ububele bake bungunapakade. ₄Mabatsho ke abo bamoyikayo uyehova ukuti: Ububele bake bungunapakade.

₅Ndabizela kuyehova ndisesixingweni: uyehova wandipendula wandibeka endaweni ebanzi. ₆Uyehova ungecala lam, andiyi kwoyika; umntu angenza nto nina kum? ₇Uyehova ungecala lam pakati kwabo bandincedayo; ngako ndiya kukangela pezu kwabanditiyayo. ₈Kulungile ukupepela kuyehova, pezu kwokokuba kutenjelwe emntwini. ₉Kulungile ukupepela kuyehova, pezu kwokokuba kutenjelwe ezinkosini. ₁₀Zonke izizwe zandir̔aula; koko ngegama likayehova ndiya kuzitshabalalisa. ₁₁Zandir̔aula; ewe, zandir̔aula; koko ngegama likayehova ndiya kuzitshabalalisa. ₁₂Zandir̔aula njengenyosi; zicimekile njengomlilo wameva: ngokuba ngegama likayehova ndiya kuzitshabalalisa. ₁₃Ubunditya̔la kakulu, ukuze ndiwe; kodwa uyehova wandinceda. ₁₄Uyehova ungamandla am, neculo lam, wada waba lusindiso kum. ₁₅Ilizwi lomgcobo nelosindiso lisezintenteni zabalungileyo: isandla sokunene sikayehova siyenza ngobur̔oti. ₁₆Isandla sokunene sikayehova sipakamile; isandla sokunene sikayehova siyenza ngobur̔oti.

₁₇Andiyi kufa, ndohlala; ndandiya kushumayela imisebenzi kayehova. ₁₈Uyehova undohlwayile kakulu; kodwa akandinikelanga ekufeni. ₁₉Ndivulele amasango obulungisa: ndiya kungena ngawo, ndidumise uyehova: ₂₀elisango likayehova, abaya kungena ngalo abalungileyo. ₂₁Ndokudumisa; ngokuba undivile, waba lusindiso kum. ₂₂Ilitye babelilahlile abaki, laba yintloko yegumbi. ₂₃Kukwenza kukayehova oku; kungummangaliso emehlweni etu. ₂₄Le yimini eyenziweyo nguyehova; siya kugcoba sivuye ngayo. ₂₅Ke, Yehova! uze usindise kaloku: ke, Yehova! uze unike kaloku ubutamsanqa. ₂₆Makatanyusanqeliswe ozayo egameni likayehova: sinitamsanqelisile ngokuvela endlwini kayehova. ₂₇Utixo u nguyehova osikanyiseleyo: bopelelani umnikelo womtendeleko ngentambo, kude kube sezimpondweni zesibingelo. ₂₈Ungutixo wam wena, ndandiya kukudumisa; ungutixo wam, ndokupakamisa. ₂₉Bulelani kuyehova, ngokuba elungile; ngokuba ububele bake bungunapakade.