Amaculo 106

₁DUMISANI uyehova! — Bulelani kuyehova, ngokuba elungile; ngokuba ububele bake bungunapakade. ₂Ngubanina ongaxela izenzo zamandla zikayehova? ngubanina ongavakalisa lwonke udumo lwake? ₃Hai itamsanqa labagcina ubugwebo, nelowenza okulungileyo ngamaxesha onke! ₄Yehova! zundikumbule ngokutandwa kwabantu bako; uze kum unosindiso lwako; ₅ukuba ndibone ubutamsanqa babaqashwa bako, ndivuye ngovuyo lwesizwe sako, ndiziqa̔yisele ndawonye nelifa lako.

₆Sonile kunye nobawo betu, senzile ngobugwenxa, senza okukohlakeleyo. ₇Obawo betu abaqondanga imimangaliso yako e‐Jipete; abakumbulanga ubuninzi bezibele zako: bavukela ngakuye elwandle, elwandle olubomvu. ₈Wabasindisa noko ngenxa yegama lake, ukuze abonakalise amandla ake. ₉Walutetisa ulwandle olubomvu, lwada lwoma; waza wabahambisa ezinzulwini njengasentlango. ₁₀Wabasindisa esandleni sobatiyileyo, wabakulula esandleni sotshaba. ₁₁Amanzi aselela ababandezeli babo; bekungeko namnye wakubo owasalayo. ₁₂Bandula ukukolwa ngamazwi ake; bavuma indumiso yake.

₁₃Bahla balibala imisebenzi yake; abalindanga icebo lake; ₁₄bakanuka kakulu entlango, balinga utixo ebugxwayibeni. ₁₅Waza wabapa isicelo sabo; kodwa watuma ubityo empefumlweni wabo. ₁₆Baba nomona ngaku‐Mosesi emnqubeni, nangaku‐Arone oyingcwele kayehova. ₁₇Umhlaba wavuleka, waginya u‐Datane, waselela umhlambi ka‐Abirame. ₁₈Kwapenjwa umlilo emhlambini wabo; ilangatye latshisa abakohlakeleyo. ₁₉Benza itole e‐Horebe, bazitoba pambi kwomfanekiso otyityishiweyo. ₂₀Kwa njalo baguqula ubungcwalisa babo bube kokufana nenkabi edla inca. ₂₁Balibala utixo umsindisi wabo, obezenzile izinto ezinkulu e‐Jipete; ₂₂imimangaliso ezweni lakwa‐Hame, izinto ezoyikekileyo ngaselwandle olubomvu. ₂₃Wati ngoko ebeya kubatshabalalisa, ukuba u‐Mosesi umqashwa wake ebengemanga esiṙotyeni pambi kwake, ukupambukisa umsindo wake, aze angabubisi.

₂₄Kanjako badela ilizwe elinqwenelekayo; abakolwanga lilizwi lake; ₂₅beya ezintenteni zabo; abapulapulanga ilizwi likayehova. ₂₆Wati ngoko wapakamisa isandla sake ngakubo, ukuba abawise entlango; ₂₇nokuba awise inzalo yabo pakati kwabaheyideni, abati sa emazweni. ₂₈Bazibandakanya no‐Bali‐pehori, badla amadini abafileyo. ₂₉Baza bamqumbisa ngezenzo zabo: sada isibulalo satyobozela pakati kwabo. ₃₀Wandula wesuka u‐Finehasi, wenza umgwebo: sati isibulalo sanqamka. ₃₁Kwaza oko kwabalelwa kuye ukuba bubulungisa, kwisizukulwana ngesizukulwana kude kube ngunapakade. ₃₂Bamqumbisa kanjalo emanzini e‐Meriba, kwaza kwaba nzima pezu kwo‐Mosesi ngenxa yabo: ₃₃ngokuba bacapukisa umoya wake, wada wateta ngomlomo wake ngokunxama.

₃₄Abatshabalalisanga izizwe uyehova wabebaxelela ngazo; ₃₅badibanisana nabaheyideni, bafunda imisebenzi yabo. ₃₆Basuka bakonza izitixo zabo: zaza zaba ngumgibe kubo. ₃₇Ewe, onyana babo nentombi zabo babenza amadini kuzo idemoni, ₃₈bapalaza igazi elingenatyala, igazi lonyana babo nelentombi zabo, ababebenzile amadini kwizitixo zase‐Kanane: waza umhlaba wadyojwa ngegazi. ₃₉Kwa njalo bazinco̔lela ngemisebenzi yabo, baṙexeza ngezenzo zabo. ₄₀Yati ngoko ingqumbo kayehova yavuta ngakubo abantu bake, wada wazonda ilifa lake. ₄₁Wabanikela esandleni sabaheyideni; baza bapatwa ngababatiyileyo. ₄₂Intshaba zabo zabancinezela; batotyiswa pantsi kwesandla sazo. ₄₃Wabahlangula amaxesha amaninzi; koko bamcapukisayo ngecebo labo, baza bagotywa ngenxa yenkohlakalo yabo.

₄₄Kodwa wabona ubunzima babo, akuva ukukala kwabo. ₄₅Waza wabakumbulela ucebano lwake, waba nosizi njengobuninzi bezibele zake. ₄₆Wenza nokuba bazuze inceba ebusweni babo bonke ababebatimbile. ₄₇Sisindise, Yehova, Tixo wetu! sibute sipume pakati kwabaheyideni, size sibulele egameni lako elingcwele, siqa̔yise eludunyweni lwako.

₄₈Makabongwe uyehova, utixo wo‐Sirayeli, kwa kunapakade kude kube ngunapakade: mabati bonke abantu: Amene. — Dumisani uyehova!