Amaculo 103

₁MBONGE uyehova, mpefumlo wam! nako konke okupakati kwam, libonge igama lake eliyingcwele! ₂Mbonge uyehova, mpefumlo wam! ungalibali zonke izincedo zake: ₃oxolela zonke inkohlakalo zako; opilisa zonke izifo zako; ₄okulula ubomi bako ekutshabalaleni; okupahlayo ngezibele nangenceba; ₅okolisa umlomo wako ngokulungileyo; bude ubutsha bako buhlaziywe njengobokozi.

₆Uyehova uyenzela bonke ababandezelweyo ubulungisa nobugwebo. ₇Wazisa indlela zake ku‐Mosesi, nezenzo zake elusatsheni luka‐Sirayeli. ₈Uyehova unenceba nofefe; uqumba kade, enobubele obuninzi. ₉Akayi kupika ngamaxesha onke; akayi kubamba ingqumbo kude kube ngunapakade. ₁₀Akenzanga kuti njengokwezono zetu; akasivuzanga njengokwenkohlakalo zetu. ₁₁Ngokuba njengobude bezulu pezu kwomhlaba, bungako ubukulu bobubele bake pezu kwabamoyikayo. ₁₂Njengokuba kude kwelokupuma kwelanga nelokutshona, uyazibeka kude nati izigqito zetu. ₁₃Njengenceba yoyise pezu kwabantwana bake, injalo inceba kayehova pezu kwabamoyikayo. ₁₄Ngokuba ekwazi ukudalwa kwetu, ekumbula ukuba silutuli. ₁₅Umntu imihla yake injengenca; njengembali yasendle, uyatyatyamba njalo. ₁₆Ngokuba umoya udlula pezu kwayo, ibe selingaseko ke; iti indawo yayo ingabuyi yazane nayo. ₁₇Kodwa ububele bukayehova bukwa kunapakade kude kube ngunapakade pezu kwabamoyikayo, nobulungisa bake bukwabantwana babantwana: ₁₈kwabo bagcina ucebano lwake, nakwabo bakumbula ingxelo zake bazenze.

₁₉Uyehova umisile iterone yake ezulwini; ubukumkani bake bupete pezu konke. ₂₀Bongani uyehova, nina zingelosi zake! nina bakulu ngamandla, enilenza ilizwi lake, ekuveni intlokoma yelizwi lake. ₂₁Bongani uyehova, nonke nina mikosi yake! nina bakonzi bake niyenzayo intando yake! ₂₂Bongani uyehova, nonke nina misebenzi yake! kuzo zonke indawo zokupata kwake. Mbonge uyehova, mpefumlo wam!