Imizekeliso 9

₁Ubulumko buyakile indlu yabo, ubazile intsika zabo zosixe̔nxe: ₂buxe̔lile isixe̔lo sabo; bupitikezile iveyine yabo; bulungisile itafile yabo kanjalo; ₃butumile izicakazana zabo; buyabiza pezu kwezipakamileyo indawo zesixeko, busiti: ₄Osidenge, makapambukele apa; oswele ingqondo, buti kuye: ₅Yizani, nitye kokwam ukudla, nisele kuyo iveyine endiyipitikezileyo. ₆Shiyani ubudenge, nipile; nize nihambe endleleni yokuqonda.

₇Oyalayo umgxeki, uyazizuzela udelo; nomohlwaya okohlakeleyo, kusisidyobo kuye. ₈Ungohlwayi umgxeki, hleze akutiye; yohlwaya olilumko, waeya kukutanda. ₉Nika kolumkileyo, wolumka ngakumbi; yazisa olungileyo, wokwandisa ukufunda. ₁₀Kukuqala kwobulumko ukwoyika uyehova; nokwaziwa kwoyingcwele kuyingqondo. ₁₁Ngokuba ngam imihla yako iya kwandiswa; ewe, iminyaka yobomi iya kwongezwa kuwe. ₁₂Ukuba ulumkile, uzilumkele kwa wena; nokuba uyagxeka, nguwe wedwa oya kukutwala.

₁₃Umfazi olihilihili unengxolo; usisidenge, engazi nanto. ₁₄Uhlala pantsi ngaselucangweni lwendlu yake, pezu kwesihlalo ezindaweni ezipakamileyo zesixeko; ₁₅ukuba abize abadlulayo endleleni, abati ngqo ngendlela zabo, esiti: ₁₆Osidenge, makapambukele apa; noswele ingqondo, uti kuye: ₁₇Amanzi abi̔weyo ayolile, nesonka sendawo zangasese simnandi. ₁₈Kanti akazi ukuba abafileyo bakona, nokuba abamenywa bake basezindaweni ezinzulu zehadesi.