Imizekeliso 5

₁NYANA wam! pulapula ebulumkweni bam, utobele indlebe yako ekuqondeni kwam; ₂ukuze ugcine intelekeleliso, nomlomo wako ubambe ukwazi.

₃Ngokuba umlomo womfazi wasemzini utontsela incindi, nekuhlangubo lake lidlula amafuta ngobutelezi: ₄kanti ukupela kwake kuṙaṙa njengomhlonyane, kubukali njengesiṙele sisika ngamacala omabini. ₅Inyawo zake zihlela ekufeni; amanyatela ake abambela ehadesi. ₆Ukuze ungagqali indlela yobomi, iyajikajika imikondo yake, ukuba ungayazi.

₇Ngako kaloku, bonyanandini! pulapulani kum, ningahlukani nazo iziteto zomlomo wam. ₈Kwelelisa kude kuye indlela yako, ungasondeli ngaselucangweni lwendlu yake; ₉hleze unike kwabanye ukwomelela kwako, nakoyinqola iminyaka yako; ₁₀hleze bahlutiswe abasemzini ngobutyebi bako, nemisebenzi yako ebuhlungu ibe sendlwini yongaziwayo; ₁₁ude ugule ekupeleni kwako, kwakugqitywa inyama yako nomzimba wako; ₁₂uze uti: Hai ukutiya kwam ululeko, nokudela kwentliziyo yam isohlwayo; ₁₃ndingapulapulanga nje ilizwi lababonisi bam, ndingatobelanga indlebe yam nakwabafundisi bam! ₁₄Ndibe ndipants’ ukuba sebubini bonke, pakati kwomhlambi nentlanganiso.

₁₅Sela amanzi evela kwelako icibi, nezelo zipuma kwelako iqula. ₁₆Maiti imitombo yako ipangalale ngapandle, nemijelo yamanzi ezitarateni. ₁₇Maibe yeyako wedwa, ingabi yeyabasemzini kunye nawe. ₁₈Umtombo wako mautanyusanqeliswe; uze uvuyele umfazi wobutsha bako. ₁₉Makabe njengexamakazi elitandekayo newulakazi elihle; amabele ake makakuncamise ngamaxesha onke; lahlekela futi elutandweni lwake. ₂₀Yinina, nyana wam! ukuba ulahlekele kowasemzini umfazi, usingate isifuba songaziwayo? ₂₁Ngokuba indlela zomntu zipambi kwamehlo kayehova, nako konke ukuhamba kwake nyakugqala. ₂₂Ezake izikohlakalo zobijela okohlakeleyo; uya kubanjwa zintambo zesono sake. ₂₃Wofa yena engenalufundo; nangabo ubukulu bobuhilihili bake wolahleka.