Imizekeliso 26

₁NJENGAYO ingqweqwe ehlotyeni, nanjengayo imvula ngexesha lokuvuna, kwa njalo udumo alufanelekile kwisidenge.

₂Njengehobohobo ekupalapaleni, nanjengenkonjane ekubalekeni, kwa njalo isiqalekiso esingenatuba asiyi kuza kubako.

₃Izwiniya ilungele ihashe, umkala ulungele iqwaṙashe, noswazi lulungele umhlana wesidenge.

₄Ungapenduli isidenge njengobuhilihili baso, hleze ufane naso kwa wena. ₅Pendula isidenge njengobuhilihili baso, hleze sibe nokulumka kwawaso amehlo.

₆Otumayo umyalezo ngesandla sesidenge, uyazinqumla inyawo, uyasela ubudlwengu.

₇Imilenze yesiqwala ibutataka; unjalo umzekeliso emlonyeni wezidenge.

₈Njengobopayo ilitye elinqabileyo esisaulweni, unjalo lowo onikela isidenge udumo.

₉Njengameva enyukela esandleni senxila, unjalo umzekeliso emlonyeni wezidenge.

₁₀Omkulu owadala konke, uyaqesha isidenge, uyaqesha nabagqiti.

₁₁Njengokuba inja ibuyela emhlanzweni wayo, kwa njalo isidenge siyapinda ubuhilihili baso.

₁₂Uyabona na umntu elumkile kwawake amehlo? kuko itemba ngaso isidenge pezu kwake.

₁₃Litsho ivila ukuti: Kuko ingonyama endleleni; ingonyama isezitarateni. ₁₄Ucango luyajinga pezu kwehinje yalo; nevila liyenje njalo pezu kwomandlalo walo. ₁₅Ivila liyatihla isandla salo esityeni; kuyindiniso kulo ukusibuyisela emlonyeni walo. ₁₆Kwawalo amehlo ivila ligqitisile ngobulumko abantu abasixe̔nxe abapendulayo ngengqiqo.

₁₇Umdluli oziqumbisayo epikeni elingelelake, unjengobamba inja ngendlebe.

₁₈Njengegeza elijulayo izikuni zomlilo, nentolo, nokufa; ₁₉unjalo umntu okohlisa ummelwane wake, aze ati: Andidlali na?

₂₀Apo kungeko zinkuni, umlilo uyacimeka; nalapo kungeko mncetezi, ipike liyadamba. ₂₁Njengamalahle amnyama kuwo amalahle atshayo, nenkuni kuwo umlilo; unjalo umntu wamapike ukupemba impikiswano.

₂₂Amazwi omncetezi anjengamanxeba; ayehlela kwezipakati indawo zombilini wona.

₂₃Umlomo ovutayo, nentliziyo ekohlakeleyo, zinjengalo ukamba oluqatyiweyo ngamagwebu esilivere. ₂₄Otiyayo uyazenzisa ngomlomo wake; nasembilini wake uyabeka inkohliso. ₂₅Nxa alenza limnandi ilizwi lake, ungakolwa nguye; ngokuba intshontsho ezisixe̔nxe zisentliziyweni yake. ₂₆Okutiya kugujungelwa yinkohliso, inkohlakalo yake iya kutyilwa entlanganisweni.

₂₇Ombayo isihogo, uya kweyela kuso; noqengqelela ilitye, lobuyela ngakuye.

₂₈Ulwimi lwobuxoki luyatiya abo bancinezelwayo lulo; nomlomo obutelezi uyeyelisela.