Imizekeliso 22

₁IGAMA elilungileyo liqasheka pezu kwobutyebi obukulu, nembuko ebubele pezu kwesilivere negolide.

₂Abazityebi nabangamahlwempu bayahlangana; uyehova ungumenzi wabo bonke.

₃Otelekelelayo uyayibona ingozi, azifihle; kodwa izidenge ziyagqita, zenzakale.

₄Umvuzo wolulamo olunokwoyika uyehova, bubutyebi, nodumo, nobomi.

₅Kuko ameva nemigibe endleleni yogwenxa; ogcinayo umpefumlo wake wokwelela kude kuzo.

₆Luleka umntwana ngokufanelene nendlela yake; woti kwa nokuya amdala, angapambuki kuyo.

₇Isityebi sopata amahlwempu ngobukosi; nomboleki woba sisicaka kulowo aboleka kuye.

₈Ohlwayelayo ubumenemene wovuna ububi; iti intonga yomsindo wake ipele.

₉Oliso libubele, yena wotanyusanqelwa; ngokuba esipa olihlwempu kwisonka sake.

₁₀Gxota umgxeki, lopuma ipike nalo; ewe, kwonqamka impikiswano nehlazo.

₁₁Otanda ubungcwele bentliziyo, omlomo unofefe, ukumkani ungumhlobo wake.

₁₂Amehlo kayehova ayagcina ukwazi; kodwa amazwi owenza ngobuxoki wowatshitshisa.

₁₃Litsho ivila ukuti: Kuko ingonyama pandle; ndobulawa ezitarateni.

₁₄Umlomo wamankazana asemzini usisihogo esinzulu; oqunjelwe nguyehova, uya kweyela kona.

₁₅Ubuhilihili bubotshiwe entliziyweni yomntwana; uswazi lwokululeka lwobukwelelisa kude kuye.

₁₆Obandezelayo ihlwempu ukuba andise okwake, esipa isityebi, woza ngenyaniso ekusweleni.

₁₇TOBA indlebe yako, uve amazwi abalumkileyo, ubekele intliziyo yako ekwazini kwam. ₁₈Ngokuba kuyinto emnandi, nxa uwagcina embilini wako; nxa aya kulungiselelwa kunye emlonyeni wako. ₁₉Ukuze itemba lako libe kuye uyehova, ndikwazisile wona namhla nje, ewe, wena. ₂₀Andikuba̔lelanga na ngapambili, ngawo amacebo nokwazi, ₂₁ukuze ndikwazise inene yamazwi enyaniso; ukuba uyenze impendulo ngamazwi enyaniso kubo abakutumayo?

₂₂Ungadli ihlwempu, ngenxa yokuba lilihlwempu; kanjalo ungamncinezeli obandezelweyo esangweni; ₂₃ngokuba uyehova eya kutetelela ityala labo, abapange abo bapange bona ubomi.

₂₄Ungadlelani nomntu onomsindo; kanjalo ungahambi nomntu ojalayo; ₂₅hleze uqele imikwa yake, uze uṙintyele umpefumlo wako.

₂₆Ungabi nababambana izandla, nababambela amatyala. ₂₇Ukuba akunanto yokuhlaula, kuyinina ukuba akuhlute uku̔ko lwako ngapantsi kwako?

₂₈Musa ukushenxisa umlimandlela wakudala, lowo bawenzayo oyihlo bako.

₂₉Uyabona na umntu okuteleyo emsebenzini wake? uya kuma ebusweni bokumkani; akayi kuma ebusweni babamnyama.