Imizekeliso 12

₁OTANDA imfundiso, uyatanda ukwazi; kodwa otiyayo ukwohlwayiwa, ungodolileyo.

₂Olungileyo wozuza imbuko kuyehova; kodwa umntu wamaqinga akohlakeleyo, uya kumgweba.

₃Umntu akayi kuqiniswa ngenkohlakalo; kodwa ingcambo yabalungileyo ayisayi kushukunyiswa.

₄Umfazi otembekileyo uyikrone yendoda yake; kodwa lowo uhlazisayo, unjengokubola ematanjeni ayo.

₅Izicingo zabalungileyo zifanele: amaqinga abakohlakeleyo ayinkohliso.

₆Amazwi abakohlakeleyo ngawokuba kulalelwe igazi; kodwa umlomo wabalungisayo wobahlangula.

₇Abakohlakeleyo bayapenulwa, bangabi seko; kodwa indlu yabalungileyo iya kuma.

₈Umntu wodunyiswa njengobutelekelelo bake; kodwa ontliziyo igwenxa woba nokudelwa.

₉Odelekileyo, enesicaka, ugqitisele ozincomayo, eswele ukutya.

₁₀Olungileyo uyanyamekela ubomi benkomo yake; kodwa inceba zabakohlakeleyo zibunqola.

₁₁Olimayo umhlaba wake, wokoliswa sisonka; kodwa olandela abantu abangendawo, uswele ingqondo.

₁₂Okohlakeleyo uyanqwenela utambo lwabangalungileyo; kodwa ingcambo yabalungileyo yohlanza.

₁₃Umgibe wongalungileyo usekugqiteni kwomlomo: kodwa olungileyo uya kupuma ebunzimeni.

₁₄Ngesixakato somlomo womntu, uya kukoliswa ngokulungileyo; kanjalo umvuzo wezandla zomntu wobuyiselwa kuye.

₁₅Indlela yehilihili ifanelekile kwawalo amehlo; kodwa opulapulayo icebo ulumkile.

₁₆Ihilihili ukuqumba kwalo kuhla kwaziwe; kodwa otelekelelayo uyagubungela ihlazo.

₁₇Oteta inyaniso uyaxela ubulungisa; kodwa inqi̔na lobuxokiliyaxela inkohliso.

₁₈Kuko obobayo njengokuhlaba kwesiṙele; kodwa ulwimi lwabalumkileyo luyimpiliso.

₁₉Umlomo wenyaniso uya kuqiniswa kude kube ngunapakade; kodwa ulwimi lwobuxoki, kude kupanyazwe kupela.

₂₀Inkohliso isentliziyweni yabaqingayo ububi; kodwa abacebi boxolo banovuyo.

₂₁Olungileyo akuyi kumhlela nanye ingozi; kodwa abakohlakeleyo bozaliswa bububi.

₂₂Umlomo wobuxoki uyintshontsho kuyehova; kodwa abenza ngenyaniso bayimvuyiso kuye.

₂₃Umntu otelekelelayo uyafihla ukwazi; kodwa intliziyo yamahilihili iyashumayela ubudenge.

₂₄Isandla sabakuteleyo sopata ngobukosi: kodwa inqeneṙa liya kukonza.

₂₅Isitukutezi entliziyweni yomntu siyayitobisa; kodwa ilizwi elimnandi liyayivuyisa.

₂₆Olungileyo uyamalatisa ummelwane wake; kodwa indlela yabakohlakeleyo iyabalahlekisa.

₂₇Inqeneṙa ayiyoji into ezingelweyo nguye; kodwa okuteleyo yimfuyo yomntu enqabileyo.

₂₈Kuko ubomi emendweni wobulungisa: nasendleleni yabo egqushekileyo akuko kufa.