Imizekeliso 10

₁IMIZEKELISO ka‐Solomone.

Unyana olumkileyo uyavuyisa uyise; kodwa unyana osidenge ulusizi kuye unina.

₂Indyebo zenkohlakalo azincedi luto; kodwa ubulungisa buyasindisa ekufeni.

₃Uyehova akayi kuvumela umpefumlo wolungileyo ulambe; kodwa unqwenelo lwabakohlakeleyo wolutya̔la.

₄Woda abe lihlwempu osebenzayo ngesandla esinqenayo; kodwa isandla sokuteleyo siyatyebisa.

₅Obutayo ehlotyeni, ungunyana olumkileyo; olala butongo ekwindla, ungunyana ohlazisayo.

₆Amatamsanqa apezu kwentloko yolungileyo; kodwa umlomo wabakohlakeleyo uyafihla ubudlwengu.

₇Inkunjulwa yolungileyo yoba netamsanqa; kodwa igama labakohlakeleyo lobola.

₈Ontliziyo ilumkile, uya kwamkela imiyalelo; kodwa ohilizayo ngomlomo, uya kuwiswa pantsi.

₉Ohambayo ngenene, uyahamba ngokugcineka; kodwa ozenza gwenxa indlela zake, uya kwaziwa.

₁₀Opanyazayo ngeliso, wonika ubuhlungu; nohilizayo ngomlomo, uya kuwiswa pantsi.

₁₁Umlomo wolungileyo ngumtombo wobomi; kodwa umlomo wabakohlakeleyo uyafihla ubudlwengu.

₁₂Utiyo luyavusa amapike; kodwa utando luyagubungela izigqito zonke.

₁₃Emlonyeni wonokuqonda bufunyanwa ubulumko; kodwa uswazi lulungele umhlana woswele ingqondo.

₁₄Abalumkileyo bayabekela ukwazi; kodwa umlomo wehilihili uyintshabalaliso ekufupi.

₁₅Imfuyo yesityebi isisixeko esinamandla saso; intshabalaliso yamahlwempu bubuhlwempu bawo.

₁₆Umsebenzi wolungileyo ubang’ ubomi; inzuzo yokohlakeleyo ibang’ isono.

₁₇Usendleleni yobomi ogcina imfundiso; kodwa oshiyayo ukwohlwaywa uyaposisa.

₁₈Ofihlayo utiyo, unomlomo wobuxoki; nopumisayo intlebo, yena usisidenge.

₁₉Ebuninzini bamazwi akusweleki isigqito; kodwa obamba umlomo wake ulumkile.

₂₀Ulwimi lwolungileyo lunjengesilivere edlulisileyo; intliziyo yabakohlakeleyo yinto encinanana.

₂₁Umlomo wolungileyo uyondla abaninzi; kodwa amahilihili ayabuba ngokuswela ingqondo.

₂₂Itamsanqa likayehova, lilo elityebisayo; akongezi ubuhlungu kulo.

₂₃Kunjengokufeketa kwisidenge ukwenza ubumenemene; kodwa umntu wokuqonda unobulumko.

₂₄Isoyiko sokohlakeleyo, sona siyakumfikela; kodwa inkanuko yabalungileyo iya kupiwa.

₂₅Njengokugqita kwesaqwiti, kunjalo ukungabiko kwokohlakeleyo; kodwa olungileyo usisisekelo esingunapakade.

₂₆Njengeyasine kuwo amazinyo, nanjengomsi kuwo amehlo, linjalo ivila kubo abalitumayo.

₂₇Ukwoyika uyehova kuyandisa imihla: kodwa iminyaka yabakohlakeleyo iya kuncitshiswa.

₂₈Itemba labalungileyo liluvuyo; kodwa isikangelo sabakohlakeleyo siya kububa.

₂₉Yinqaba koyinene indlela kayehova; kodwa yintshabalaliso kwabenzi benkohlakalo.

₃₀Olungileyo akasayi kuza ashukunyiswe; kodwa abakohlakeleyo abayi kuma umhlaba.

₃₁Umlomo wolungileyo uvelisa ubulumko; kodwa ulwimi lwobumenemene lwonqanyulwa.

₃₂Umlomo wolungileyo uyakwazi okukolekileyo: kodwa umlomo wabakohlakeleyo unobumenemene.