Imibalo 12

₁KWANDULA kwateta u‐Miriyame no‐Arone ngakuye u‐Mosesi, ngetuba lomfazi, lom‐Kushekazi, owabemzekile: ngokuba ebemzekile umfazi ongum‐Kushekazi. ₂Baye besiti: Kanene kungaye u‐Mosesi yedwa na uyehova atetileyo? akatetile nangati yinina? Weva ke uyehova. ₃(Kekaloku indoda engu‐Mosesi ibilulamile kakulu, ngapezu kwabo bonke abantu ababesebusweni bomhlaba.)

₄Waza uyehova watsho ngesiqipu ku‐Mosesi, naku‐Arone, naku‐Miriyame, ukuti: Pumani nobatatu nize ententeni yentlangano. Baye bepuma ke bobatatu. ₅Waye uyehova esihla ngentsika yelifu, wema emnyango wentente, wabiza u‐Arone no‐Miriyame: baza bapuma bobabini. ₆Wayesiti: Yivani ke amazwi am: Ukuba kubako umprofite pakati kwenu, mna Yehova ndiya kuzazisa ngomboniso kuye, ngepupa ndiya kuteta naye. ₇Asinjalo isicaka sam u‐Mosesi; onyanisekile kuyo yonke indlu yam; ₈umlomo kumlomo ndiya kuteta naye, kwa sekuhleni, kungabi ngamazwi okuntsonkota: nomfanekiselo kayehova wowukangela: yinina ke ukuba nibe ningoyiki ukuteta ngakuso isicaka sam, ngaku‐Mosesi? ₉Yaza yavuta ingqumbo kayehova ngakubo, wada wemka ke.

₁₀Kanjako ilifu lesuka kuyo intente; kekaloku, bona ke, u‐Miriyame ebenesilepero, emhlope njengengqweqwe: waye u‐Arone wabeka ngakuye u‐Miriyame, kekaloku, bona ke, waenesilepero. ₁₁Waza wati u‐Arone ku‐Mosesi: Au, nkosi yam! zungabeki pezu kwetu isono, esenze ngobudenge ngaso, nesonileyo ngaso. ₁₂Makangabi njengofileyo, oti ekupumeni kwake esizalweni sonina seidliwe inxenye yenyama yake. ₁₃Wandul ukukala u‐Mosesi kuyehova, esiti: Tixo! zumpilise ke! ₁₄Wati uyehova ku‐Mosesi: Ukuba uyise ebeke wamtshicela ubuso, ange engadani na imihla isixe̔nxe? makatshixelwe imihla ibe sixe̔nxe ngapandle kwomnquba, ati kamva abuye amkelwe. ₁₅Waza u‐Miriyame watshixelwa ngapandle kwomnquba imihla yasixe̔nxe: baye abantu benganduluki kwada kwamkelwa u‐Miriyame.

₁₆Kodwa kamva, kwanduluka abantu e‐Hatserote, baya bati waca entlango ye‐Parane.