Ivangeli ka‐Mateyu 26

₁KWAYE kute, okuya abezigqibile u‐Yesu zonke iziteto ezi, wati kubadisipile bake: ₂Niyazi ukuba kuti emveni kwentsuku mbini kubeko ipasika; waye unyana wesintu eya kunikelwa ukuba akuruseshwe.

₃Bandula bahlanganisana abaperisite abakulu, nababa̔li, nabadala babantu, endlwini yomperisite omkulu o‐kutiwa ngu‐Kayafasi, ₄bacebisana ukuba bambambe u‐Yesu ngenkohliso, bambuiale. ₅Bebesiti kodwa: Makungabi semtendelekweni, ukuze kungenziwa isipitipiti pakati kwabantu.

₆Kekaloku xeshekweni u‐Yesu ebese‐Betaniya, endlwini ka‐Simone ileperi, ₇kweza kuye umfazi eneqaka leyalabastere linamafuta mnandi axabiso likulu, wawagalela pezu kwentloko yake xa abehleli ekutyeni. ₈Koko abadisipile bake, bakubona oko, baqumba kunene, besiti: Okukuci̔takala kokwento nina? ₉ngokuba kunge kutengiwe into eninzi ngalamafuta mnandi, kwaza kwapiwa amahlwempu. ₁₀Wazi kodwa u‐Yesu wati kubo: Yinina ukuba nimkataze umfazi? ngokuba umsebenzi olungileyo ewenzile kum. ₁₁Ngokuba ninawo amahlwempu futi ekuni; kanti aninam futi. ₁₂Ngokuba lo ewagalele nje amafuta mnandi la emzimbeni wam, wenzela ukuncw̔atywa kwam. ₁₃Ngokwenene nditi kuni: Apo kusukuba kushunyayelwa kona ivangeli le kulo lonke ilizwe, kuya kutyelwa nalento ayenzileyo lo, ibe sisikumbuzo sake.

₁₄Wandula wahamba owabalishumi linababini, o‐kutiwa ngu‐Jude Sikariyoti, waya kubaperisite abakulu, ₁₅wati: Nivuma ukundinika nto nina? ndandiya kumnikela kuni. Baza bamlinganisela amaqosha esilivere angamashumi matatu. ₁₆Wabesiti ke emveni kwoko wafuna ituba lokuba amngcatshe.

₁₇Kekaloku ngowokuqala umhla wezonka ezingenagwele, beza abadisipile ku‐Yesu, besiti kuye: Utanda ukuba sikulungisele pina kutyiwe ipasika? ₁₈Wayesiti: Yiyani esixekweni kumntu otile, niti kuye: Uti umfundisi: Ixesha lam likufupi; ipasika ndiya kuyenza kuwe kunye nabadisipile bam. ₁₉Baza benza abadisipile njengokuba ebebayalele u‐Yesu, bayilungisa ipasika.

₂₀Kwati ke kwakuhlwa, wabehleli ekutyeni nabalishumi linababini. ₂₁Waza kekaloku, nxa bebesitya, wati: Ngokwenene nditi kuni: Omnye wakuni wondingcatsha. ₂₂Babelusizi kakulu ke, baqala ukuti kuye abanye ngabanye: Ndim na. Nkosi? ₂₃Waza wapendula wati: Ofaka isandla esityeni kunye nam, nguye lowo oya kundingcatsha. ₂₄Unyana wesintu uyemka okunene, njengokuba kuba̔liwe ngaye; kodwa kwoba nzima kulowamntu unyana wesintu ungcatshwa nguye! bekumlungele, ukuba ebengazalwanga lowamntu. ₂₅Waza wapendula u‐Jude, owamngcatshayo, wati: Ndim na, Rabi? Wati kuye: Utshilo wena.

₂₆Kekaloku nxa bebesitya, watabata u‐Yesu isonka, wabulela, waqezula, wanika abadisipile, wati: Tabatani, nitye; esi singumzimba wam. ₂₇Kanjalo watabata indebe, wabulela, wabanika, esiti: Selani kuyo nonke; ₂₈ngokuba le iligazi lam, elocebano olutsha, elipalazelwa abaninzi kube kukuxolelwa kwezono. ₂₉Kodwa nditi kuni: Andisayi kusela emveni kwoku kwesisiqa̔mo somti weveyine, kude kube yimini leyo, okuya ndisiselayo nani sisitsha ebukumkanini bukabawo.

₃₀Baza bati, bakuba bevumile iculo, bapuma baya entabeni yeminquma. ₃₁Wandula wati kubo u‐Yesu: Nina nonke niya kuxakaniswa ngam ngobubusuku; ngokuba kuba̔liwe ngokuti: Ndiya kubeta umalusi, zaziya kuci̔twa igusha zomhlambi. ₃₂Kodwa emveni kwokuvuka kwam, ndiya kunandulela ukuya e‐Galili.

₃₃Waza wapendula u‐Petrosi wati kuye: Nakuba bonke baya kuxakaniswa ngawe, andisayi kuza ndixakaniswe mna. ₃₄Wati u‐Yesu kuye: Ngokwenene nditi kuwe: Kwa ngobubusuku, ingekalili inkuku, uya kundikanyela katatu. ₃₅Wati u‐Petrosi kuye: Nangona kundifanele ukuba ndife ndawonye nawe, andisayi kukukanyela. Batsho nabo bonke abadisipile kwa ngokunjalo.

₃₆Wandula u‐Yesu weza nabo entsimini e‐kutiwa yi‐Getesemane, wati kubadisipile: Hlalani pantsi apa, nxa ndiyayo nditandaze paya.

₃₇Waza watabata naye u‐Petrosi nonyana baka‐Zebedi bobabini, waqala ukuba lusizi nokudandateka kakulu. ₃₈Wandula wati kubo: Umpefumlo wam ulusizi kakulu kude kube sekufeni; hlalani apa, nilinde nam. ₃₉Waza waya umganyana ngapambili, wawa ngobuso bake, etandaza, esiti nokuti: Bawo! ukuba kungenzeka, makudlule kum indebe le: noko makungabi njengokuba nditanda mna, makube njengokuba utanda wena. ₄₀Wayesiza kubadisipile, wabafumana belele, wati ku‐Petrosi: Kanene beningelinde nam iyure ibe nye na? ₄₁Lindani nitandaze, ukuze ningangeni ekulingweni: umoya okunene uyavuma, kodwa inyama ibutataka.

₄₂Wabuya wemka ngokwesibini, waya watandaza, esiti: Bawo! ukuba lendebe ayingedlule kum, nxa ndingayiseli, makwenziwe intando yako. ₄₃Wayesiza wabafumana belele kanjako; ngokuba amehlo abo ebenzima.

₄₄Waza wabashiya, wemka kanjako, waya watandaza ngokwesitatu, eteta wona lomazwi. ₄₅Wandula weza kubadisipile bake, wati kubo: Lalani ixesha eliseleyo, nipumle; nantsi iyure isel’ ikufupi, xa unyana wesintu anikelwa ezandleni zaboni: ₄₆vukani, sihambe; nanku esel’ ekufupi ondingcatshayo.

₄₇Kekaloku nxa abesateta, bona ke, kweza u‐Jude, owabalishumi linababini, nesihlwele esikulu kunye naye sineziṙele nenduku, sivela kubo abaperisite abakulu nabadala babantu. ₄₈Wayete obemngcatsha wabanika umqondiso, esiti: Lowo endiya kumanga, ukwa nguye; mbambeni yena. ₄₉Waselesiza ku‐Yesu kwa oko, wati: A, Rabi! wamanga ke. ₅₀Waza u‐Yesu wati kuye: Sihlobo! ufikele nina? Bandula beza, babeka izandla pezu kwake u‐Yesu, bambamba.

₅₁Kekaloku bona ke, omnye wabo babenaye u‐Yesu wolula isandla, war̔ola isiṙele sake, wabeta isicaka somperisite omkulu, wasinqumla indlebe. ₅₂Wandula wati u‐Yesu kuye: Sibuyisele endaweni yaso isiṙele sako; ngokuba bonke abasitabatayo isiṙele beya kububa ngesiṙele. ₅₃Uba andingete na kwa kaloku nje ndikunge ubawo, waeya kundimisela amabandla amakulu engelosi apezu kwalishumi linamabini? ₅₄Pofu singati nina ukuzaliseka isiba̔lo sokuti, kufanele ukuba nje?

₅₅Kwa ngeloxeshana wati u‐Yesu kwizihlwele: Nipumile neziṙele nenduku ukuza kundibamba na, njengokungati nibe nipuma ngakulo ibada? Bendihleli imihla ngemihla kuni ndifundisa etempileni, anandibamba ke. ₅₆Kodwa oku konke kwenzekile, ukuze zizaliseke iziba̔lo zabaprofite. Bandula bonke abadisipile bamshiya, babaleka.

₅₇Bati kekaloku abo bambambayo u‐Yesu bamr̔olela ku‐Kayafasi umperisite omkulu, apo babehlanganisene kona ababa̔li nabadala.

₅₈Waza u‐Petrosi wamlandela ekude, kwada kwasekusini lendlu yomperisite omkulu, wangena pakati, wahlala pantsi ndawonye namadindili, ukuba abone ukupela kwendawo.

₅₉Kekaloku abaperisite abakulu, nabadala, nayo yonke intlanganiso yamapakati, bebefuna ubunqi̔na obubuxoki ngakuye u‐Yesu, ukuze bamfise; ₆₀kanti abafumana ke: ewe, akufika amanqi̔na abuxoki amaninzi, abafumana ke. Ada afika amanqi̔na abuxoki emabini, ₆₁ati: Watsho lo ukuti: Ndingayici̔ta itempile katixo, ndibuye ndiyake ngentsuku zibe ntatu. ₆₂Waza wesuka umperisite omkulu, wati kuye: Akupenduli nto na? banqi̔na nto nina ngakuwe aba? ₆₃Kuloko u‐Yesu wati tu.

Waza wapendula umperisite omkulu wati kuye: Ndiyakufungisa utixo opilileyo, uze usixelele ukuba unguye na u‐Kristu, unyana katixo. ₆₄Wati u‐Yesu kuye: Utshilo wena. Kanjako nditi kuni: Emveni kwoku niya kubona unyana wesintu ehleli ngasekunene kwamandla, esiza nokuza emafini ezulu.

₆₅Wandula umperisite omkulu waṙazula ingubo zake, esiti: Ugxekile u‐Tixo; sisafunela nina amanqi̔na? bona ke, nikuvile ngoku ukugxeka kwake; ₆₆niti nina ke? Baza bapendula bati: Unetyala lokuba afe. ₆₇Bandula bamtshicela ebusweni, bamntliteka; bati inxenye bamtywakaza, ₆₈besiti: Silaulele, Kristundini! wabetwa ngubanina?

₆₉Kekaloku u‐Petrosi ebehleli ngapandle ekusini; saza isicakazana esitile seza kuye, sisiti: Nawe ubuno‐Yesu wase‐Galili. ₇₀Koko wakanyelayo ebusweni babo bonke, esiti: Andiyazi into oyitetayo. ₇₁Kanjalo akupumela esangweni, sambona esinye, sati kwabakona: Naye lo ebeno‐Yesu wase‐Nazarete. ₇₂Waza wabuya wakanyela ngesifungo, esiti: Andimazi umntu lowo. ₇₃Kwati ke kwakuba mzuzwana, basondela abebemi kona bati ku‐Petrosi: Ngenyaniso nawe ungowakubo; ngokuba nokuteta kwako kukuhlakazela. ₇₄Wandula waqala ukuqalekisa nokufunga, esiti: Andimazi umntu lowo. Yasuka yalila inkuku kwa oko. ₇₅Waza u‐Petrosi wakumbula ilizwi lika‐Yesu, abelitshilo kuye ukuti: Ingekalili inkuku, uya kundikanyela katatu. Waselepuma ngapandle, walila ngento ebuṙaṙa.