Ivangeli ka‐Mateyu 1

₁INCWADI yokuvelakuka‐Yesu Kristu, unyana ka‐Davide, unyana ka‐Abrahame.

₂U‐Abrahame wazala u‐Yisake; no‐Yisake wazala u‐Yakobi; no‐Yakobi wazala u‐Juda nabazalwana bake; ₃waza u‐Juda wazala u‐Faretse no‐Zera ngo‐Tamare; wati u‐Faretse wazala u‐Hetserone; no‐Hetserone wazala u‐Rame; ₄no‐Rame wazala u‐Haminadabi; no‐Haminadabi wazala u‐Nahashone; no‐Nahashone wazala u‐Salimone; ₅no‐Salimone wazala u‐Bohazi ngo‐Rakabi; waza u‐Bohazi wazala u‐Obedi ngo‐Rute; wati u‐Obedi wazala u‐Jese; ₆no‐Jese wazala u‐Davide ukumkani.

Waza u‐Davide ukumkani wazala u‐Solomone ngobengumfazi ka‐Huriya; ₇wati u‐Solomone wazala u‐Rehobome; no‐Rehobome wazala u‐Abiya; no‐Abiya wazala u‐Asa: ₈no‐Asa wazala u‐Yehoshafate; no‐Yehoshafate wazala u‐Yorame; no‐Yorame wazala u‐Huziya; ₉no‐Huziya wazala u‐Yotame; no‐Yotame wazala u‐Ahazi; no‐Ahazi wazala u‐Hezekiya; ₁₀no‐Hezekiya wazala u‐Manase; no‐Manase wazala u‐Amoni; no‐Amoni wazala u‐Josiya; ₁₁no‐Josiya wazala u‐Yekoniya nabazalwana bake, ngexesha lokufuduselwa e‐Babilone.

₁₂Nasemveni kwokufuduselwa e‐Babilone, u‐Yekoniya wazala u‐Shalatiyeli; no‐Shalatiyeli wazala u‐Zerubabeli; ₁₃no‐Zerubabeli wazala u‐Abihude; no‐Abihude wazala u‐Eliyakime; no‐Eliyakime wazala u‐Hazore; ₁₄no‐Hazore wazala u‐Tsadoki; no‐Tsadoki wazala u‐Akime; no‐Akime wazala u‐Elihude; ₁₅no‐Elihude wazala u‐Elezari: no‐Elezari wazala u‐Matane; no‐Matane wazala u‐Yakobi: ₁₆no‐Yakobi wazala u‐Josefe indoda ka‐Mariya, okungaye wazalwa u‐Yesu, okutiwa ngu‐Kristu.

₁₇Zonke izizukulwana ke ezivela ku‐Abrahame kude kube ku‐Davide, zizizukulwana ezilishumi linazine; naku‐Davide kude kube sekufuduselweni e‐Babilone, zizizukulwana ezilishumi linazine; nakuko ukufuduselwa e‐Babilone kude kube ku‐Kristu, zizizukulwana ezilishumi linazine.

₁₈KEKALOKU ukuzalwa kuka‐Yesu Kristu kwaye kungoku: ukuba unina wake u‐Mariya exanyelwe u‐Josefe nje, bengekahlangani, wafunyanwa emiti ngomoya oyingcwele. ₁₉Waza u‐Josefe, indoda yake, engolungileyo nje, kanti engatandi ukumhlazisa ekuhleni, wafuna ukumlahla ngasese. ₂₀Kodwa esacinga ezizinto, bona ke, ingelosi yenkosi yabonakala kuye epupeni, isiti: Josefe, nyana ka‐Davide! ungoyiki ukutabatela kuwe u‐Mariya umfazi wako; ngokuba oko kukaulweyo pakati kwake kungomoya oyingcwele. ₂₁Wozala unyana ke, wauya kubiza igama lake ngo— Yesu; ngokuba yena eya kusindisa abantu bake ezonweni zabo.

₂₂(Kekaloku oku konke kwenzekile, ukuze kuzaliseke oko kwatetwayo yinkosi ngomprofite, isiti: ₂₃Bona ke, intombi iya kumita, izale unyana, babeya kumbiza ngegama elingu‐Yimanuweli, oko kukuti ngokukunyushwa, Utixo enati.)

₂₄Wandula u‐Josefe, akuba evukile ebutongweni, wenza njengokuba ibimyalele ingelosi yenkosi, watabatela kuye umfazi wake: ₂₅kanti wayengamazi kwada kwazalwa nguye unyana wake owamazibulo; waza wabiza igama lake ngo— Yesu.