U‐Yoshuwa 21

₁BANDULA basondela abazintloko zendlu zoyise zaba‐Levi ku‐Elezari umperisite, naku‐Yoshuwa unyana ka‐Nune, nakwabazintloko zendlu zoyise zazo izizwe zosapo luka‐Sirayeli, ₂bateta kubo e‐Shilo elizweni le‐Kanane, besiti: Uyehova wabeyalela ngesandla sika‐Mosesi ukuba sinikwe izixeko zokuhlala, nenqele zazo zibe zezenkomo zetu. ₃Ngako usapo luka‐Sirayeli lwabanika aba‐Levi, elifeni lalo, ngelizwi likayehova, izixeko ezi nenqele zazo.

₄Laza iqashiso lapumela izizalwane zama‐Kohati: kwaye kuko elusatsheni luka‐Arone umperisite, olwakubo aba‐Levi, zicatshulwe esizweni sika‐Juda, nasesizweni sika‐Simone, nasesizweni sika‐Benjamine, ngeqashiso, izixeko ezilishumi linazitatu; ₅naselusatsheni luka‐Kohati oluseleyo, zicatshulwe kuzo izizalwane zesizwe sika‐Frayime, nakuso isizwe sika‐Dane, nakuso isiqingata sesizwe sika‐Manase, ngeqashiso, izixeko ezilishumi; ₆naselusatsheni luka‐Gereshone, zicatshulwe kuzo izizalwane zesizwe sika‐Yisakare, nakuso isizwe sika‐Ashere, nakuso isizwe sika‐Nefatali, nakuso isiqingata sesizwe sika‐Manase e‐Bashane, ngeqashiso, izixeko ezilishumi linazitatu; ₇naselusatsheni luka‐Merari, ngezizalwane zalo, zicatshulwe esizweni sika‐Rubene, nasesizweni sika‐Gadi, nasesizweni sika‐Zebulone, izixeko ezilishumi linazibini.

₈Kwa njalo usapo luka‐Sirayeli lwabanika aba‐Levi ezizixeko nenqele zazo ngeqashiso, njengokuba uyehova ebeyalele ngesandla sika‐Mosesi.

₉Lwaye lunika zicatshulwe esizweni sosapo luka‐Juda, nasesizweni sosapo luka‐Simone, ezizixeko ezibizwayo ngegama; ₁₀olwati usapo luka‐Arone, olwakuzo izizalwane zama‐Kohati, olwakulo usapo luka‐Levi, lwaba nazo: ngokuba iqashiso lokuqala libe lilelalo. ₁₁Lwaza lwalunika isixeko sika‐Areba uyise ka‐Hanaki, esiyiyo i‐Hebrone, entabeni yakwa‐Juda, nenqele zaso ezisingqongayo. ₁₂Kodwa izindle zasesixekweni, nemizi yaso, lwazinika ku‐Kalebi unyana ka‐Jefune zibe yimfuyo yake. ₁₃Kwa njalo lwalunika usapo luka‐Arone umperisite, i‐Hebrone, isixeko sokupepela kwombulali, nenqele zayo, ne‐Libena nenqele zayo, ₁₄ne‐Yatire nenqele zayo, ne‐Shetemoha nenqele zayo, ₁₅ne‐Holone nenqele zayo, ne‐Debire nenqele zayo, ₁₆ne‐Hayine nenqele zayo, ne‐Yuta nenqele zayo, ne‐Bete‐shemeshe nenqele zayo; izixeko ezilitoba zicatshulwe kwezozizwe zibini. ₁₇Nakuso isizwe sika‐Benjamine kwacatshulwa i‐Gibeyone nenqele zayo, i‐Geba nenqele zayo, ₁₈i‐Hanatote nenqele zayo, ne‐Halemone nenqele zayo; izixeko ezine. ₁₉Zonke izixeko zosapo luka‐Arone, abaperisite, zizixeko ezilishumi linazitatu nenqele zazo.

₂₀Nezizalwane zosapo luka‐Kohati, aba‐Levi abaseleyo elusatsheni luka‐Kohati, zona zazinezixeko zeqashiswa lazo zicatshulwe esizweni sika‐Frayime. ₂₁Ngokuba beluzinika i‐Shekeme, isixeko sokupepela kwombulali, nenqele zayo, entabeni yakwa‐Frayime, ne‐Gezere nenqele zayo, ₂₂ne‐Kibetsayime nenqele zayo, ne‐Bete‐horone nenqele zayo; izixeko ezine. ₂₃Kwacatshulwa nasesizweni sika‐Dane, i‐Leteke nenqele zayo, i‐Gibetone nenqele zayo, ₂₄i‐Ajalone nenqele zayo, i‐Gate‐rimone nenqele zayo; izixeko ezine: ₂₅nakuso isiqingata sesizwe sika‐Manase, i‐Tahanaki nenqele zayo, ne‐Gate‐rimone nenqele zayo: izixeko ezibini. ₂₆Zonke izixeko zezizalwane zosapo luka‐Kohati oluseleyo, zizixeko ezilishumi nenqele zazo.

₂₇Nosapo luka‐Gereshone, olwakuzo izizalwane zaba‐Levi, kwacatshulelwa lona kwesinye isiqingata sesizwe sika‐Manase, i‐Golane yase‐Bashane, isixeko sokupepela kwombulali, nenqele zayo, ne‐Beheshe‐tera nenqele zayo; izixeko ezibini: ₂₈nasesizweni sika‐Yisakare, i‐Kishone nenqele zayo, i‐Daberate nenqele zayo, ₂₉i‐Yaremute nenqele zayo, i‐Hene‐ganime nenqele zayo; izixeko ezine: ₃₀nasesizweni sika‐Ashere, i‐Mishale nenqele zayo, i‐Habedoni nenqele zayo, ₃₁i‐Helekate nenqele zayo, ne‐Rehobi nenqele zayo; izixeko ezine: ₃₂nasesizweni sika‐Nefatali, i‐Kedeshe yase‐Galili, isixeko sokupepela kwombulali, nenqele zayo, ne‐Hammote‐dore nenqele zayo, ne‐Karetane nenqele zayo; izixeko ezitatu. ₃₃Zonke izixeko zama‐Gereshone, ngezizalwane zawo, zizixeko ezilishumi linazitatu nenqele zazo.

₃₄Nezizalwane zosapo luka‐Merari, ezaba‐Levi abaseleyo, kwacatshulelwa zona esizweni sika‐Zebulone, i‐Yokename nenqele zayo, ne‐Kareta nenqele zayo, ₃₅i‐Dimna nenqele zayo, i‐Nahalali nenqele zayo; izixeko ezine: ₃₆nasesizweni sika‐Rubene, i‐Betsere nenqele zayo, ne‐Yahetsa nenqele zayo, ₃₇i‐Kedemote nenqele zayo, ne‐Mefahate nenqele zayo; izixeko ezine: ₃₈nasesizweni sika‐Gadi, i‐Ramote yase‐Gileyadi, isixeko sokupepela kwombulali, nenqele zayo, ne‐Mahanayime nenqele zayo, ₃₉i‐Heshebone nenqele zayo, i‐Yahezere nenqele zayo: zonke izixeko zazine. ₄₀Zonke izixeko zosapo luka‐Merari, ngezizalwane zalo, oluseleyo ezizalwaneni zaba‐Levi, iqashiswa lalo lazizixeko ezilishumi linazibini.

₄₁Zonke izixeko zaba‐Levi, ezipakati kwemfuyo yosapo luka‐Sirayeli, zazizixeko ezingamashumi mane anesibozo nenqele zazo. ₄₂Izixeko ezi zibe zinenqele zazo ezizingqongayo, ezinye ngezinye: zibe zinjalo zonke ezizixeko.

₄₃KWA njalo uyehova wanika ko‐Sirayeli lonke ilizwe, abefungile ukuba alinike koyise babo; bada balifuya, bahlala kulo. ₄₄Waye uyehova kanjalo ebanikile ukupumla ngamacala onke, njengako konke abefungile ngako koyise babo: akwabiko namnye umntu kuzo zonke intshaba zabo obenokuma pambi kwabo; zonke intshaba zabo wazinikela uyehova esandleni sabo. ₄₅Akutshitshanga nanye into kuzo zonke izinto ezilungileyo, abezitetile uyehova kwindlu ka‐Sirayeli: konke kweza kubako.