U‐Yoshuwa 14

₁KANJAKO ngawo la amafa usapo luka‐Sirayeli lwawamkela elizweni le‐Kanane, abalwabela wona u‐Elezari umperisite, no‐Yoshuwa unyana ka‐Nune, nabazintloko zendlu zoyise zezizwe zosapo luka‐Sirayeli. ₂Kwabiwa ngeqashiso ilifa lalo, njengokuba uyehova ebeyalele ngesandla sika‐Mosesi, elezizwe ezilitoba nesiqingata sesizwe: ₃ngokuba u‐Mosesi ebenikile ilifa lezizwe ezibini nesiqingata sesizwe pesheya kwe‐Yoredane: kodwa aba‐Levi akabanikanga ilifa pakati kwalo. ₄Ngokuba usapo luka‐Josefe beluzizizwe zibini, esika‐Manase nesika‐Frayime: Ngako bebenganiki isabelwa kuba‐Levi elizweni, kupela izixeko zokuhlala, nenqele zazo zibe zezenkomo zabo nezempahla yabo. ₅Njengokuba uyehova ebemyalele u‐Mosesi, lwenje njalo ke usapo luka‐Sirayeli, lwalaba ilizwe.

₆Lwandula lwasondela usapo luka‐Juda ku‐Yoshuwa e‐Gilegale; waza u‐Kalebi, unyana ka‐Jefune um‐Kenazi, wati kuye: Uyayazi wena into wabeyiteta uyehova ku‐Mosesi, indoda katixo, ngokwam nangokwako e‐Kadeshebaneha. ₇Bendingominyaka imashumi mane ubudala bam, nxa u‐Mosesi, isicaka sikayehova, wandisusayo e‐Kadeshebaneha ukuya kuhlola ilizwe; ndada ndamzisela impendulo, njengokuba kube kunjalo entliziyweni yam. ₈Kanti abazalwana bam, ababenyuke nam, banyibilikisa intliziyo zabantu: mna kodwa ndakolisa ukulandela uyehova, utixo wam. ₉Wayefunga u‐Mosesi ngomhla lowo, esiti: Ngenyaniso lomhlaba inyawo zako zinyatele pezu kwawo, woba lilifa lako nelabantwana bako kude kube ngunapakade! ngokuba ukolisile ukulandela uyehova, utixo wam. ₁₀Kekaloku bona ke, uyehova undilondolozile ebomini, njengokuba etshilo, leminyaka imashumi mane anamihlanu, kwa kuseloko uyehova wabeteta elilizwi ku‐Mosesi, okuya o‐Sirayeli bebehamba entlango: nakaloku, nanku namhla ndingominyaka ingamashumi asibozo anamihlanu ubudala bam. ₁₁Ndisomelele namhla nje, njengokuba bendinjalo emhleni wanditumayo u‐Mosesi; njengokuba amandla am ebenjalo oko, akwa njalo amandla am kaloku, ngokulwa, nangokupuma, nangokungena. ₁₂Ngako kaloku ndipe lentaba, owati uyehova wateta ngayo ngomhla lowo: ngokuba ubusiva wena ngomhla lowo, okokuba ama‐Hanaki akona, nezixeko ezikulu ezinqatyisiweyo: kungati uyehova woba nam, ukuba ndiwagqogqe, njengokuba etshilo uyehova.

₁₃Wandula u‐Yoshuwa wamtamsanqelisa, wayinika i‐Hebrone ku‐Kalebi unyana ka‐Jefune ibe lilifa lake. ₁₄Ngako oko i‐Hebrone yaba lilifa lika‐Kalebi unyana ka‐Jefune um‐Kenazi kwada kwanamhla nje; ngenxa yokuba wakolisa ukulandela uyehova, utixo wo‐Sirayeli. ₁₅Igama le‐Hebrone ngapambili laliyi‐Kiriyate‐areba; obengumntu omkulu pakati kwama‐Hanaki u‐Areba lowo.

Laye ilizwe lapumla emfazweni.