U‐Jobi 6

₁WAZA wapendula u‐Jobi, wati:

₂Ayaba inkatazo yam yalinganiswa ipela, nelishwa lam lafunqulelwa ezintweni zokulinganisela kwa kunye! ₃Ngokuba kaloku inge inzima pezu kwentlabati yolwandle: ngako oko amazwi am atetiwe ngokunxama. ₄Ngokuba intolo zosomandla zipakati kwam, ezibuhlungu bazo bufincayo umoya wam; izoyikiso zikatixo ziyazicwangcisa ngakum. ₅Iqwaṙa liyakonya na eluhlazeni? Inkabi iyalila na pezu kwokutya kwayo? ₆Kuyadleka na okungenasongo ingeko ityuwa? kuko ukuvakala na ebumhlotsheni beqanda? ₇Ezizinto umpefumlo wam walile ukuzipata; zinjengokutya kwam okutyeketyeke.

₈Sanga singeza isicelo sam, ati utixo anike isilangazelelo sam: ₉ukuba avume utixo ukundityumza, asombulule isandla sake, anditi nqam! ₁₀Oko bekusaya kubako isonwabiso sam; ngendivuyelela ebuhlungwini, nakuba abengenanceba: ngokuba ndingasitelisanga amazwi oyingcwele. ₁₁Ayinto nina amandla am, ukuba ndibe netemba? siyinto nina nesipelo sam, ukuba ndolule ubomi bam? ₁₂Amandla am angamandla amatye na? inyama yam iyixina na? ₁₃Asi kukuba aluko na uncedo lwam pakati kwam, nokuba usizo lugxotiwe kum?

₁₄Onosizi ubang’ ububele kumhlobo wake; kanti ukwoyikwa kwosomandla uyakushiya. ₁₅Abazalwana bam benze ngenkohliso njengomlanjana; njengomsinga wemilanjana bayadlula; ₁₆ebutukutuku ngetuba leliqwa, ekukuyo iyazifihla ingqweqwe: ₁₇ngexesha lokutsha kwayo inqamkile; ekufudumaleni kwayo icimekile ezindaweni zayo. ₁₈Bayapambuka abahambi bendlela yayo; bayanyukela ebugxwayibeni, babube ke. ₁₉Abahambi bakwa‐Tema baqolosela; abaṙatyazi bakwa‐Sheba bayilangazelela. ₂₀Badana, ngokuba bebetembile; beza kufika kona, bamatiswa ke. ₂₁Ngokuba kaloku niba yinto engento; niyabona isituso, nize noyike. ₂₂Kanene kendatsho na ukuti: Ndipeni? nokuti: Ndikupeleni amabaso ebutyebini benu? ₂₃nokuti: Ndisindiseni esandleni sotshaba? nokuti: Ndikululeni esandleni sababandezeli?

₂₄Ndifundiseni, ndandiya kuti cwaka; nento ndiposisile ngayo ndiqondiseni. ₂₅Hai ukuba namandla kweziteto ezifanelekileyo! kodwa kungati nina ukwohlwaya, ukwohlwaya okuvela kuni? ₂₆Niyacinga ukwohlwaya amazwi na, zinjengomoya nje iziteto zoncamileyo? ₂₇Ewe, niyeyelisa inkedama, nimbele isihlobo senu isihogo. ₂₈Kodwa kaloku vumani nibeke ngakum; ngokuba ebusweni benu ndingayi kuxoka. ₂₉Buyani ke, makungabiko inkohlakalo; he, buyani kanjako, ubulungisa bam bukona. ₃₀Kuko elulwimini lwam na inkohlakalo? ikuhlangubo lam alingeqiqe na ubumenemene?