U‐Jobi 41

₁Ungar̔ola na ileviyatane ngegwegwe, nolwimi lwayo ngentambo uyitshonisayo? ₂Ungafaka intsontelo empumlweni yayo na? ungajigija umhlati wayo ngeqeṙu kusinina? ₃Iya kuzenza imbongozo ezininzi kuwe na? iya kuteta kuwe izinto ezitambileyo na? ₄Iya kulwenza nawe na ucebano? woyitabata ibe sisicaka ngonapakade na? ₅Uya kudlala nayo na ngokungati yintaka? woyibopela intombazana zako kusinina? ₆Amakolwane aya kuyimbela isihogo na? aya kuyahlula pakati kwabatengi na? ₇Uya kuzalisa na ulusu lwayo ngenyembe, nentloko yayo ngengcola zentlanzi? ₈Beka isandla sako pezu kwayo! akuyi kubuya ukumbule ngokulwa.

₉Bona ke, itemba lake lenziwa buxoki: akawiswa pantsi ke na kwa sekubonakaleni kwayo? ₁₀Akuko onobugagu bokuba ayivuse: ngubanina ke lowo ongemayo ebusweni bam? ₁₁Ngubanina ondipangeleyo, ukuba ndibuyekeze? okupantsi kwezulu lonke kukokwam nje!

₁₂Andiyi kuti cwaka pezu kwamalungu ayo, nendawo yamandla ayo nesoya sokuxo̔tyiswa kwayo. ₁₃Ngubanina ohlubileyo ubuso besivato sayo? ngubanina oya kungena pakati kwemihlati epindiweyo yayo? ₁₄Ingcango zobuso bayo ngubanina ozivulileyo? inṙozo zamazinyo ayo ziyinto eyoyikekayo. ₁₅Amakaka anamandla alir̔atshi layo; evaliwe ngesincamatiselo esiti shinyi. ₁₆Elinye liyasondelana nelinye, ukuba umoya awunakungena pakati kwawo. ₁₇Ayanamatela amanye kwamanye; ayabambana, akakumleki. ₁₈Ukutimla kwayo kukazimlisa ukukanya; namehlo ayo anjengenkope zomso. ₁₉Ziyasuka izibane emlonyeni wayo; intlantsi zomlilo ziyabaleka. ₂₀Uyaquma umsi ezintunjeni zempumlo yayo, njengongxawo ovutelweyo ezingcongolweni. ₂₁Umpefumlo wayo uyavutisa amalahle; nasemlonyeni wayo liyapuma ilangatye. ₂₂Entanyeni yayo kuhleli amandla; nasebusweni bayo ulwoyiko luyatsiba. ₂₃Indawo ezilizengezenge zenyama zayo ziyanamatelana; iqinile pezu kwayo, ingenakushukuma. ₂₄Intliziyo yayo yomelele njengelitye; ewe, yomelele njengelitye langapantsi lokusila. ₂₅Nxa izipakamisayo ayoyika amaṙoti; ngenxa yamavuso akohliwe. ₂₆Lakuyifikela iṙele, alinakuma; kwa nentshuntshe, nengcola, nentsimbi. ₂₇Iyabala isincete ukuba yinca, nexina ukuba ngumti obolileyo. ₂₈Utolo alungeyenze isabe; amatye esisaulo ayaguqulwa abe ngumququ kuyo. ₂₉Umvinqikazi uyabalwa ngokuba ludiza; iyahleka ukuvivinya kwomkonto. ₃₀Ngapantsi kwayo ngamacepe abukali; iyandlala intsimbi zokubula pezu kwodaka. ₃₁Inzulu iyayibilisa njengembiza; ulwandle iyalwenza njengenqai yamafuta. ₃₂Emva kwayo iyenza umzila obengezelayo; ngekubiwa inzulu ingwevu. ₃₃Akuko pezu kwomhlaba ifane layo; eyenziweyo ingenakunkwantya. ₃₄Konke okupakamileyo iyakubona; ingukumkani yona pezu kwazo zonke izilo ezir̔atshileyo.