U‐Jobi 40

₁WAZA uyehova wampendula u‐Jobi, wati:

₂Lowo upikayo nosomandla uya kumluleka na? omohlwaya utixo, makapendule ngako.

₃Waza u‐Jobi wampendula uyehova, wati:

₄Bona ke, ndiyinto engento; ndokupendula nto nina? isandla sam ndiyasibeka pezu kwomlomo wam. ₅Nditetile kanye; kodwa andiyi kupendula: kwa kabini; kodwa andiyi kupinda.

₆WANDULA uyehova wampendula u‐Jobi eluqwiteleni, wati:

₇Sibinqe ke, njengendoda, isinqe sako; ndiya kubuza kuwe, uze undazise. ₈Woka utshitshise kwa igunya lam na? uya kugweba mna na, ukuze wena ugwetyelwe? ₉Kanene unengalo njenge katixo na? ungaduduma ngelizwi njengelake na? ₁₀Zihombise ke ngesitomo nobungangamsha; uzivatise ngobungcwalisa nenkazimlo. ₁₁Zipangalalise ingxokolo zomsindo wako, ukangele konke okupakamileyo, ukutobise. ₁₂Kangela konke okupakamileyo, ukugobe; nabakohlakeleyo ubanyatele pantsi endaweni yabo. ₁₃Bafihlele elutulini ndawonye; bopa ubuso babo emfihlekweni. ₁₄Ndiya kwandul’ ukuxela kuwe, okokuba esako isandla sokunene singakusindisa.

₁₅Bona ke ibehemote, endiyenzileyo kunye nawe; iyadla utyani njengenkabi. ₁₆Bona ke amandla ayo esinqeni sayo, nokwomelela kwayo emisipeni yombilini wayo. ₁₇Iyagobisa umsila wayo njengomti wesedare; imisipa yamatanga ayo ijijene. ₁₈Amatambo ayo ngamabobo obedu; amatambo ayo anjengemivalo yesincete. ₁₉Yona yinto enkulu yemisebenzi katixo: owayenzayo wanikela iṙele layo. ₂₀Ngokuba intaba ziyivelisela ukutya, apo zidlala kona zonke izilo zasendle. ₂₁Iti butu ngapantsi kwemiti yelotu, esigubungelweni sengcongolo, nasendaweni elibikibiki. ₂₂Imiti yelotu iyayikusela ngomtunzi wayo; iminculuba yasemlanjaneni iyayipahla. ₂₃Ukuba umlambo uyafukuka, ayinxami; inqabile, noko i‐Yoredane ityobozela emlonyeni wayo: ₂₄ngasemehlweni ayo iyayamkela; imigibe iyiti badlu ngempumlo.