U‐Jobi 3

₁EMVENI kwoku wavula u‐Jobi umlomo wake, wawuqalekisa umhla wake. ₂Waza wapendula u‐Jobi, wati:

₃Maibube imini bendizalelwa kuyo, nobobusuku kwatiwa: Kumitiwe umntwana oyindoda. ₄Imini leyo, maibe bubumnyama: maangayikataleli utixo kwa pezulu; nobumhlope mabungakanyi pezu kwayo. ₅Makuyibange ubumnyama nesitunzi sokufa; makupumle pezu kwayo amafu; intsito zemini maziyoyikise. ₆Ubusuku obo, isitokotoko masibubambe: mabungabandakanywa nemihla yomnyaka; mabungangeni enanini lazo inyanga. ₇Bona ke, ubusuku obo, mabube budlolo; ilizwi lokuvuya malingezi kubo. ₈Mababunywebelele abaqalekisi bemini, abo baqele ukuvusa ileviyatane. ₉Mazibe mnyama inkwenkwezi zoncwalazi lwabo; mabulinde ukukanya, kungabiko ke; mabungakangeli nenkope zomso: ₁₀ngenxa yokuba bungavingcanga ingcango zesizalo esandizalayo, nokuba bungafihlanga lusizi emehlweni am.

₁₁Kunganina ukuba bendingafanga kwa sezizalweni, umhlaumbi bendingaqaukanga umxe̔lo ndakupuma esiswini? ₁₂Kunganina ukuba andipangela amadolo? kunganina ukuba enje njalo namabele, ukuba ndanye? ₁₃Ngokuba ngoku, ngendiba ndilele pantsi, ndonwaba ke; ngendiba ndilele ubutongo, ndandula ukuba nokupumla; ₁₄ndawonye nokumkani namapakati omhlaba, ababezakela indawo ezicitakeleyo; ₁₅umhlaumbi ndawonye nenkosi ezibe zinegolide, ezazizalisa izindlu zazo ngesilivere: ₁₆umhlaumbi, njengesisu sipumayo esiselelweyo, ngendingabi ndiko; njengentsana ezingazanga zibone ukukanya. ₁₇Apo, abakohlakeleyo bayayeka ukuxalisa; nalapo, bayapumla abadiniweyo ngamandla: ₁₈ababanjwa bayapumla kunye; abasaliva ilizwi lombandezeli. ₁₉Abancinane nabakulu bakona; nekonza likululekile enkosini yalo.

₂₀Kunganina ukuba kunikwe ukukanya konosizi; nobomi kwabanobuṙaṙa bompefumlo; ₂₁abalangazelela ukufa, kanti akuko; abakumbelayo ngapezu kwendyebo eziselelweyo; ₂₂abavuya kude kuvuyelelwe, bagcobe, nxa bafumeneyo incw̔aba? ₂₃Kunganina kwindoda endlela ifihliweyo, leyo utixo ayibiyeleyo ngokungqonga? ₂₄Ngokuba, ebusweni bokutya kwam, kusiza ukugula kwam; zitululwa njengamanzi nembombolozo zam. ₂₅Ngokuba bendisoyika ububi, baza bandihlela: noko ndandinkwantya kona, kuze kum. ₂₆Bendingenakunqaba, bendingenakwonwaba, bendingenakupumla, saza safika isitukutezi.