U‐Jobi 17

₁Umoya wam wonakele, imihla yam inqamkile, amancw̔aba andihlalele. ₂Asi ngabahleki abanam na? nasekucapukiseni kwabo alihlali iliso lam na? ₃Kaubeke pantsi ke, ube ngumbambiseli wam pambi kwako; ngubanina lowo oya kubambana nam izandla? ₄Ngokuba intliziyo yabo uyifihlile engqondweni; ngako oko akuyi kubapakamisa. ₅Okilayo izihlobo zipangwe, kwa namehlo abantwana bake aya kupela. ₆Kanti undimisile ndibe lilizwi lokuhlekisa pakati kwabantu; ndide ndaba ngotshicelwa ebusweni. ₇Liluzizi iliso lam ngenxa yenkatazo, namalungu am anjengesitunzi wona onke. ₈Boti nqa abalungisayo pezu kwoku; nongenatyala uya kuvuka ngakuye umginwa. ₉Woti olungileyo abambe indlela yake, nozandla zimhlope andise amandla. ₁₀Kodwa nina nonke, manibuye nize ke: ngokuba ndingafumani pakati kwenu olumkileyo.

₁₁Imihla yam idlulile, amaqinga am akumkile, — izazelelelo zentliziyo yam. ₁₂Bayabeka ubusuku esikundleni semini; ukukanya kukufupi, kuvela ebumnyameni. ₁₃Ukuba ndiya kutemba, incw̔aba liyindlu yam; ndandlele uku̔ko lwam ebumnyameni. ₁₄Ndibizile ekuboleni ngokuti: Ungubawo wena; nasempetwini ngokuti: Unguma̔ nodade wam. ₁₅Lipina pofu kaloku itemba lam? he, itemba lam liya kubonwa ngubanina? ₁₆Liya kuhlela emivalweni yencw̔aba, nxa kupunyulwa kunye elutulini.