U‐Jobi 16

₁WAZA wapendula u‐Jobi, wati:

₂Zininzi izinto ezinjalo endizivileyo; ningabatutuzeli abayinkatazo nina nonke. ₃Kuko ukupela na emazwini omoya? okunye utelekiswa yinto nina ukuba upendule? ₄Bendingatetayo nam njengani, ukuba umpefumlo wenu ubusesikundleni sompefumlo wam; bendingawafumbelelayo amazwi ngakuni, ndinihlunguzele intloko yam. ₅Kodwa ngendinomeleza ngomlomo wam, nokushukuma kwodebe lwam ngekudambisa. ₆Ukuba bendiya kuteta, akuyi kudanjiswa ubuhlungu bam; nokuba bendiya kuyeka, ndiya kumkelwa yinto nina?

₇Okunene kaloku undidinisile: ucitakalisile wena wonke umhlambi wam; ₈waye undibambile mna, kwaba linqi̔na oko; lwaluvuka ngakum ubityo lwam, luyanqi̔na ngasebusweni bam, ₉ingqumbo yake iqwengile, uyandizonda; unditshixizele ngamazinyo ake: utshaba lwam luwabazile amehlo alo ngakum. ₁₀Bandakamele ngomlomo wabo; bandibetile esidleleni ngokucekisa; bayandiṙaula kunye.

₁₁Utixo undinikele kolimenemene, wandeyelisela ezandleni zabakohlakeleyo. ₁₂Bendisekwonwabeni, kodwa wandingcangcazelisa: undibambile ngentamo, wanditi viti; wandimisa ndibe ngumlinganiso kuye. ₁₃Abatoli bake bayandingqonga; uyacanda izintso zam, engenanceba nje; uyapalazela emhlabeni inyongo yam. ₁₄Uyandityobozela ngesityobozelo pezu kwesityobozelo, uyandibalekela njengegoṙa. ₁₅Nditungile intlakantlaka pezu kwentlonze yam; ndingenisile upondo lwam elutulini. ₁₆Ubuso bam budumbile kukulila; isitunzi sokufa sipezu kwenkope zam: ₁₇nokokuba akuko budlwengu ezandleni zam, nokuba umtandazo wam ungcwele. ₁₈Mhlaba! ungaseleli igazi lam; makungabi nandawo nokubiza kwam. ₁₉Ewe, kaloku nje, naliya inqi̔na lam ezulwini, nomboneli wam ezinyangweni.

₂₀Abo bandigculelayo ngabahlobo bam; koko iliso lam litontsela kutixo. ₂₁Akwaba bekungatetelelwayo indoda pambi kwotixo, njengokuba unyana woluntu etetelela umlingane wake! ₂₂Ngokuba yiminyaka emincinane eya kuza, ndandiya kuhamba indlela endingayi kubuya ngayo.