U‐Jobi 13

₁Bona ke, oku konke likubonile iliso lam; ikuvile indlebe yam, yayiqonda. ₂Into eniyaziyo nina, ndiyayazi nam; andiwi mna pantsi kwenu.

₃Kodwa mna ndiya kuteta kusomandhla; ndinga ndingatetelela kutixo. ₄Kanti ke nina ningabaqingi bobuxoki; ningabapolisi bokungento nina nonke. ₅Akwaba nabenigqibela ukuti cwaka! ngekuba bubulumko benu oko.

₆Kenive ke ukutetelela kwam, nipulapule ukupikisa kwomlomo wam. ₇Niya kutetela utixo ngobumenemene na? nomtetela ngenkohliso na? ₈Niya kubuka ubuso bake na? nompikela utixo na? ₉Ngekulungile na ukuba anipengulule? niya kumhanahanisa na, njengokuba kuhanahaniswa umntu? ₁₀Woqinisa ukunohlwaya, xeshekweni nibuka ubuso ngasese. ₁₁Ubungangamsha bake abunitusi na, nesoyikeko sake asiniweli na? ₁₂Izikumbuzo zenu ziyimizekeliso yotutu; indulana zenu zindulana zodaka. ₁₃Yitini cwaka nindiyeke, ndandiya kuteta mna, nangona kuya kuhla pezu kwam okunjanina. ₁₄Kunganina ukuba nditabate inyama yam ngamazinyo am, nobomi bam ndibubeke esandleni sam? ₁₅Ukuba uya kundibulala, ndotembela kuye noko; kodwa indlela zam ndiya kuzitetelela pambi kwake. ₁₆Kanjalo yena woba lusindiso lwam; ngokuba umginwa engezi ebusweni bake.

₁₇Kutalani ukupulapula isiteto sam, nokuxela kwam ezindlebeni zenu. ₁₈Bona ke, sendilungiselele ityala; ndiyazi ukuba ndiya kugwetyelwa. ₁₉Ngubanina lowo oya kupika nam? ukuba kaloku bendiya kuti cwaka, ngendiqauka umpefumlo. ₂₀Kupela izinto ezimbini ungandenzeli zona: oko andiyi kuzimela ebusweni bako. ₂₁Isandla sako sikwelelise kude kum; nesoyikeko sako masinganditusi. ₂₂Wandule ukubiza wena, ndipendule mna; okanye nditete mna, undipendule wena.

₂₃Zingapina izikohlakalo nezono endinazo? zundazise ukugqita kwam nokwona kwam. ₂₄Kunganina ukuba undifihlela ubuso bako, nokuba undibala ngokuba lutshaba kuwe? ₂₅Igqabi elipetshetwayo uya kulingcangcazelisa na? umququ owomileyo wowusukela na? ₂₆Ngokuba uziba̔la ngakum into eziṙaṙa; nezikohlakalo zobutsha bam undenza ndilidle ilifa lazo. ₂₇Uyazifaka inyawo zam amakamandela, nazo zonke indlela zam uyazihlola; pezu kwengcambo zenyawo zam uyasika impau. ₂₈Yena lowo, njengento ebolileyo, uyalupala; njengengubo edliweyo linundu.