U‐Jobi 10

₁Umpefumlo wam udiniwe bubomi bam: ndozilahlela ekukalazeni kwam; ndoteta ebuṙaṙeni bompefumlo wam. ₂Ndiya kuti kutixo: Ungandigwebi; zundazise ukuba upikela nina nam. ₃Kulungile kuwe na ukuba ubandezele, ukuba udele isetyenzwa lezandla zako, nokuba pezu kwecebo labakohlakeleyo ukanyile? ₄Unamehlo enyama na? uyabona njengokubona kwomntu na? ₅Injengemihla yomntu imihla yako na; neminyaka yako injengemihla yendoda na; ₆ukuba ufunisele inkohlakalo yam, ubuzele nesono sam; ₇usazi nje ukuba andinatyala, nokuba akuko ongahlangulayo esandleni sako?

₈Izandla zako zindidalile, zandenza, ngamacala onke kunye; noko uyanditshabalalisa. ₉Zukumbule ke, ukuba undenzile njengodongwe; woza undibuyisele elutulini na? ₁₀Akunditululanga na njengamasi, wandikama njengenqaka? ₁₁Undivatisile intlonze nenyama, wandibiya ngamatambo nemisipa. ₁₂Undenzele ubomi nobubele; ukunonelela kwako kulondolozile umoya wam. ₁₃Kanti ezizinto uzibekele entliziyweni yako; ndiyazi ukuba oku bekukuwe.

₁₄Ukuba ndiyona, seuya kundigqala, nakuyo inkohlakalo yam akuyi kundikulula. ₁₅Ukuba ndinetyala, kwoba nzima kum! nokuba ndilungile, andingepakamise intloko yam: ndincanyisiwe lihlazo, nakukubona ubunzima bam. ₁₆Nakuba ibizipakamisa, njengengonyama enomsindo ubuya kundizingela, uze ubuye wenze ngokumangalisa ngakum. ₁₇Ubuya kutwasisa amanqi̔na ako pambi kwam, wandise ingqumbo yako ngakum: imikosi ibiya kuba ngakum ngokupanjaniselwana.

₁₈Kunganina ngoko ukuba wandipumisa esizalweni? Bendingaba ndiqaukile umxe̔lo, kungabangako liso elindibonileyo; ₁₉bendingaba ndinjengokungati ndibe ndingeko; bendingaba ndisusiwe esizalweni ndasiwa encw̔abeni. ₂₀Ayiyinto encinane na imihla yam? yeka ke, ukwebuke kum, ukuze ndizomeleze kancinane, ₂₁ndingekayi apo ndingayi kubuya kona, elizweni lobumnyama nelesitunzi sokufa, ₂₂elizweni lobumnyama obukulu, njengesitokotoko, elesitunzi sokufa, kungeko iziguqulelano, elikukanya kunjengesitokotoko.