U‐Yisaya 55

₁HOI! bonke abanxaniweyo, yizani emanzini, nalowo ongenamali; yizani, tengani nidle; ewe, yizani, tengani iveyine namasi, kungeko imali, kungeko naxabiso. ₂Kunganina ukuba ninike imali ngenxa yokungesisonka, nenzuzo yenu ngenxa yokungahlutisiyo? Kutalani ukupulapula kum, nize nidle okumnandi, nomxe̔lo wenu mauziyolise ngobunqata. ₃Tobani indlebe yenu, nize kum; yivani, ukuba kupile umpefumlo wenu; ndandiya kulwenza nani ucebano olungunapakade, izibele eziqinisekileyo zika‐Davide.

₄Bona ke, ndimnikile abe linqi̔na ebantwini, inkosi nompati wabantu. ₅Bona ke, isizwe ubungasazi uya kusibiza, nesizwe esibe singazi wena sobalekela kuwe, ngenxa yake uyehova, utixo wako, nangenxa yake oyingcwele ka‐Sirayeli, okuhombileyo.

₆Funani uyehova nxa angafunyanwayo; bizani kuye nxa akoyo kufupi: ₇okohlakeleyo makashiye indlela yake, nongalungileyo inkumbulo zake; makabuyele kuyehova, woba nezibele kuye; na kutixo wetu, ngokuba eya kuxolela kakulu. ₈Ngokuba inkumbulo zenu azizizo inkumbulo zam; kanjako indlela zenu azizizo indlela zam, utsho uyehova. ₉Ngokuba, njengokuba amazulu epezulu pezu kwomhlaba, kwa njalo indlela zam zipezulu pezu kwendlela zenu, nenkumbulo zam pezu kwenkumbulo zenu. ₁₀Ngokuba, njengokuba isihla imvula nengqweqwe ezulwini, ize ingabuyeli kona, koko iwunyela umhlaba, iwenze ukuba uvelise nokuba uhlumise, ukuze unike imbewu kuye ohlwayelayo, nesonka kuye odlayo; ₁₁loba njalo ilizwi lam, elipumayo emlonyeni wam; aliyi kubuyela kum lingenanto; kodwa liya kufeza oko endikutandayo, laliya kutamsanqeleka koko endituma ngako. ₁₂Ngokuba niya kupuma ngovuyo, niya kupelekelelwa ngoxolo; intaba nenduli ziya kugqabukela ekuculeni pambi kwenu, nayo yonke imiti yasendle iya kwenza intlombe. ₁₃Endaweni yomnga wopuma umti weberoshe, nasendaweni yomtolo wopuma umti wemutele: kwakuya kuba ligama kuyehova, nomqondiso ongunapakade ongasayi kunqanyulwa.