U‐Yisaya 52

₁Vuka, vuka, yambata amandla ako, Ziyone! yambata izivato zako ezihle, Yerusaleme, sixeko esingcwele! ngokuba kungasayi kubuya kungene kuwe ongalukileyo nonco̔lileyo. ₂Zivutulule elutulini: suka, uhlale pantsi, Yerusaleme! zicumbulule ezinxityeni zentamo yako, wena ntombi etinjiweyo yase‐Ziyone! ₃Ngokuba esitsho uyehova ukuti: Nazitengisa kungeko nto; kanjalo niya kukululwa kungeko mali. ₄Ngokuba isitsho inkosi e nguyehova ukuti: Abantu bam behlela e‐Jipete ekuqaleni, ukuya kupambukela kona; wati um‐Asiriya ekupeleni wababandezela. ₅Nakaloku, ndinanto nina apa, utsho uyehova, ukuba kususwe abantu bam kungeko nto? abapati babo bayakala, utsho uyehova; kufuti imihla yonke igama lam ligxekwa. ₆Ngako oko abantu bam baya kulazi igama lam; ngako oko baya kwazi ngomhla lowo, ukuba ndinguye otetayo: nanku mna!

₇Hai ukuba ntle kwazo pezu kwentaba inyawo zalowo ushumayelayo indaba ezimnandi, ovakalisayo uxolo, oshumayelayo okulungileyo, ovakalisayo usindiso, esiti kwi‐Ziyone: Utixo wako upete ubukumkani! ₈Abalindi bako bopakamisa ilizwi; ngelizwi labo baya kuvuma kunye; ngokuba beya kubona iliso kwiliso, nxa uyehova aya kubuyisa i‐Ziyone. ₉Gqabukani, nivume kunye, zindawo ezicitakeleyo ze‐Yerusaleme! ngokuba uyehova etutuzele abantu bake; ukulule i‐Yerusaleme. ₁₀Uyehova uhlubile ingalo yake engcwele emehlweni azo zonke izizwe; nazo zonke izipelo zomhlaba ziya kubona usindiso lwotixo wetu.

₁₁Mukani, mukani, pumani kwa kona; okunco̔lileyo ningakucukumisi; pumani pakati kwayo; yibani mhlope, nina enitweleyo impahla zikayehova! ₁₂Ngokuba ningayi kupuma ngobunxamo, kanjalo aniyi kuya ngentsabo; ngokuba uyehova eya kuhamba pambi kwenu, utixo ka‐Sirayeli wonibuta ngasemva.

₁₃BONA ke, isicaka sam siya kulungiseka; siya kwenzwa sikulu, siya kupakanyiswa, sobekwa pezulu kakulu. ₁₄Njengokuba bekutele nqa abaninzi, (kwakunjalo ukwonakala kwokubonakala kwaso ngapezu kwokwomntu, nokwesimilo saso ngapezu kwesonyana babantu,) ₁₅kwa njalo siya kufefa izizwe ezininzi: ngenxa yaso okumkani baya kuvingca imilomo yabo; ngokuba oko bebengakubaliselwanga bokubona; noko bebengakuvanga bokuqonda.