U‐Hosheha 8

₁IXILONGO libeke emlonyeni wako: woza njengokozi ngakuyo indlu kayehova; ngokuba begqitile ucebano lwam, bevukele ngakuwo umteto wam. ₂Baya kukala kum, besiti: Tixo wam! siyakwazi tina Sirayeli. ₃U‐Sirayeli ulahlile okulungileyo; utshaba luya kumputuma. ₄Benza okumkani, kodwa bekungengam; bamisa inkosi, kodwa mna bendingazazi: bazenzele izitixo ngayo isilivere yabo negolide yabo, ukuze banqanyulwe.

₅Itole lako, Samariya! liyintshontsho; ingqumbo yam iyavuta ngakubo: baya kukohlwa kukuba ngcwele kude kube ninina? ₆Ngokuba bekuvela kwa‐Sirayeli kwa lona: incibi yalenza; alinguye utixo lona: ngenyaniso itole lase‐Samariya loba ngamaqekeza. ₇Ngokuba behlwayele umoya, kukona baya kuvuna isaqwiti: akuko izela kubo; okuhlumayo akuyi kuwenza umgubo: ukuba umhlaumbi kuyawenza, abasemzini bowuginya. ₈Baginyiwe o‐Sirayeli; bako kaloku pakati kwabaheyideni, njengesitya ekungeko inyamekelo kuso. ₉Ngokuba benyukele e‐Asiriya njengeqwaṙa elilodwa: u‐Frayime ubaqeshile abatandi ngamabaso. ₁₀Kodwa nakuba baqeshileyo ngamabaso pakati kwabaheyideni, ndoti kaloku ndibabute; babeya kuva ubuhlungu umzuzwana, ngenxa yomtwalo wokumkani wenkosana.

₁₁Ngokuba u‐Frayime ezandisile izibingelo zokwona, kwobako kuye izibingelo zokwona. ₁₂Ndimba̔lele indawo ezinkulu zomteto wam, kodwa zibe zibalwa njengento yasemzini. ₁₃Imibingo yeminikelo yam, bayabinga inyama, bayidle; kodwa uyehova akayibuki: kwa kaloku uya kukumbula ukukohlakala kwabo, ohlwayele izono zabo: bobuyela e‐Jipete. ₁₄Ngokuba u‐Sirayeli emlibele umenzi wake, wazaka itempile; no‐Juda uzandisile izixeko ezinqatyisiweyo: kodwa ndiya kutuma umlilo pezu kwezixeko zake, oya kuzidla izindlukazi zazo.