Incwadi ka‐Paulusi kuma‐Hebere 2

₁Ngako oko sifanele ukuzinyamekela kakulu ngakumbi izinto esizivileyo, hleze sike sipulukane nazo. ₂Ngokuba ilizwi elibe litetwe zingelosi ukuba libe liqinisekile, nokuba konke ukugqita nokungeva kwamkela umvuzo ofanelekileyo, ₃soti nina tina ukusinda sakuba singakataleli usindiso olukulu kangaka; olwati, lutetiwe yinkosi nje ukuqala kwalo, lwaqiniselwa kuti ngabo bayivayo; ₄utixo enqi̔nelana nabo kwa ngemiqondiso, nangemimangaliso, nangezenzo zamandla ezininzi, nangezabelo zomoya oyingcwele, njengokwentando yake?

₅NGOKUBA engalibekanga pantsi kwazo ingelosi ilizwe eliza kuza, elona siteta ngalo. ₆Kodwa omnye wanqi̔nisa endaweni etile, esiti: Uyinina umntu, lento umkumbulayo; kwa nonyana woluntu, lento umnonelelayo? ₇wamenza abe ngapantsi kancinane kuzo ingelosi; wamvatisa ngobungcwalisa nangodumo, wammisa pezu kwemisebenzi yezandla zako: ₈uzibekile pantsi zonke izinto ngapantsi kwenyawo zake. Ngokuba, ekubeni wazibekayo ngapantsi kwake zonke izinto, akashiya nanye ingabekwanga ngapantsi kwake. Kodwa ngoku asikaboni zonke izinto zibekiwe pantsi kwake. ₉Siyambona kodwa u‐Yesu, owenziwa abe ngapantsi kancinane kuzo ingelosi, ngenxa yobuhlungu bokufa, evatisiwe ngobungcwalisa nangodumo, ukuze ati ngofefe lukatixo abavele ukufa kwa bonke. ₁₀Ngokuba bekufanelekile kuye, ekungenxa yake ziko zonke izinto, nekungaye ziko zonke izinto, akuzisa onyana abaninzi ebungcwaliseni, ukuba afezekise imbangi yosindiswa lwabo ngazo intlungu.

₁₁Ngokuba kwa nalowo ungcwalisayo nabo bangcwaliswayo bevela kuye omnye bonke: ekungenxa yalendawo akanantloni ukubabiza ngabazalwana, ₁₂esiti: Ndoshumayela igama lako kubazalwana bam; pakati kwentlanganiso ndovuma amaculo kuwe. ₁₃Nakanjako: Ndoba nditembela kuye. Nakanjako: Bona ke mna nabantwana endibapiweyo ngutixo. ₁₄Ukuba ngoko bona abantwana bevela nenyama negazi, naye ngokwake kwa ngokunjalo watabata kuzo, ukuze ati ngako ukufa atshabalalise lowo unamandla okufa, oko kukuti, u‐Satane, ₁₅akulule abo abebete ngokwoyika ukufa babanjelwa ebukobokeni lonke ixesha lokudla kwabo ubomi. ₁₆Ngokuba okunene engazincedi ingelosi, koko eyinceda inzalo ka‐Abrahame. ₁₇Kukona abefanelwa kukuba afane nabazalwana bake ngento zonke, ukuze abe ngumperisite omkulu onofefe nonyanisekileyo ezintweni ezilunge kutixo, aze enzele izono zabantu isizi. ₁₈Ngokuba ekokubeni avile intlungu yena ngokwake akulingwa, angabasiza abo balingwayo.