U‐Ezera 10

₁Kekaloku xeshekweni ebetandazile u‐Ezera, naxeshekweni ebexele oku, elila eziwisa pantsi ngapambi kwayo indlu katixo, kwandul’ ukubutelana ngakuye ko‐Sirayeli intlanganiso enkulu kunene, amadoda, nabafazi, nabantwana: ngokuba abantu balila ngokulila okukulu. ₂Waza wapendula u‐Shekaniya unyana ka‐Yehili, owonyana baka‐Helami, wati ku‐Ezera: Tina senze ngobumenemene ngakuye utixo wetu, sasizekile abafazi bezinye intlanga kubo abantu belizwe: kodwa kaloku liseko itemba ko‐Sirayeli ngalento. ₃Ngako kaloku masenze ucebano notixo wetu, lwokuba kwahlukaniswe bonke abafazi abo, nabo bazelweyo ngabo, ngalo icebo lenkosi yam, nelabangcangcazelayo ngenxa yomyalelo katixo wetu; makwenziwe ke ngomteto. ₄Suka wena, ngokuba ipezu kwako lento; kanjalo tina soba nawe; yomelela, wenze ke.

₅Waza wesuka u‐Ezera, wafungisa inkosi zabaperisite, naba‐Levi, no‐Sirayeli bonke, ukuba baya kwenza ngalo elilizwi. Bafunga ke. ₆Wandula u‐Ezera wesuka kwa pambi kwayo indlu katixo, waya enkambilini ka‐Johanane unyana ka‐Eliyashibe: wati akufika kona, akasidla isonka, akawasela amanzi; ngokuba ebelilela ubumenemene babatinjwa. ₇Kwaza kwadluliswa ilizwi kwa‐Juda nase‐Yerusaleme, kulo lwonke usapo lwasekutinjweni, lokuba lubutele e‐Yerusaleme; ₈nokuba lowamntu osukuba engezi pakati kwemihla mitatu, njengecebo lenkosi nabadala, kwodliwa yonke impahla yake, ati yena ahlulwe entlanganisweni yabatinjwa.

₉Andula abutela e‐Yerusaleme onke amadoda akwa‐Juda nawakwa‐Benjamine pakati kwemihla mitatu. Ibiyinyanga yesitoba, ngowamashumi mabini umhla wenyanga; bati bonke abantu bahlala enkundleni yendlu katixo, bengcangcazela pezu kwalonto, nangenxa yezipango zemvula. ₁₀Wasuka wema u‐Ezera umperisite, wati kubo: Nina nenze ngobumenemene, nanizekile abafazi bezinye intlanga, kuze kwandiswe ityala lo‐Sirayeli. ₁₁Ngako kaloku yenzani ingxelo kuyehova, utixo woyihlo benu, nenze intando yake: nize nizahlule kubo abantu belizwe, nakubo abafazi bezinye intlanga.

₁₂Yaza yapendula yonke intlanganiso yati ngelizwi elikulu: Kufanelekile kuti ukwenza ngamazwi ako: ₁₃kodwa abantu baninzi, lixesha lezipango zemvula, akuko amandla okuma ngapandle; kananjalo lomsebenzi asingowemini nye, asingowemini mbini: ngokuba sigqitile ngento eninzi kulento. ₁₄Mazime inkosi zetu zentlanganiso yonke, bandul’ ukuti bonke abazekileyo abafazi bezinye intlanga ezixekweni zakowetu beze ngamaxesha amiselweyo, nakunye nabo abadala besixeko ngesixeko nabagwebi baso, kude kunqandwe kuti ubushushu bengqumbo katixo wetu ngenxa yalento. ₁₅Ngu‐Jonatane unyana ka‐Hasaheli, no‐Yahaziya unyana ka‐Tikeva, abamela oku kwapela: kodwa u‐Meshulame, no‐Shabetai um‐Levi, babanceda. ₁₆Lwaye lusenje njalo usapo lwasekutinjweni.

Kwaza kwahlulwa u‐Ezera umperisite, nabatile abazintloko zendlu zoyise, ngendlu zoyise zabo, bonke bebalulwe ngamagama, abahlala pantsi ngowokuqala umhla wenyanga leshumi ukuba kubuzwe lendawo. ₁₇Bagqiba ngawo onke amadoda abebezekile abafazi bezinye intlanga ngowesinye umhla wenyanga yokuqala. ₁₈Kwafunyanwa kubo onyana babaperisite abebezekile abafazi bezinye intlanga: kubo onyana baka‐Yoshuwa unyana ka‐Yotsadaki, nabazalwana bake; u‐Mahaseya, no‐Eliyezeri, no‐Yaribe, no‐Gedaliya. ₁₉Baza banika izandla zabo ukuba bahlukane nabafazi babo; bati benetyala nje, banikela inkunzi yegusha yasemhlambini ngenxa yetyala labo. ₂₀Nakubo onyana baka‐Yimeri; u‐Hanani, no‐Zebadiya. ₂₁Nakubo onyana baka‐Harime; u‐Mahaseya, no‐Elija, no‐Shemaya, no‐Yehili, no‐Huziya. ₂₂Nakubo onyana baka‐Pashure; u‐Eliwenai, u‐Mahaseya, u‐Shimayeli, u‐Netaneli, u‐Yozabadi, no‐Elehasa. ₂₃Nakubo aba‐Levi; u‐Yozabadi, no‐Shimehi, no‐Kelaya, okwa nguye u‐Kelita, no‐Petahiya, no‐Juda, no‐Eliyezeri. ₂₄Nakubo abaculi; u‐Eliyashibe: nakubo abalindimnyango; u‐Shalume, no‐Teleme, no‐Uri. ₂₅Nakubo o‐Sirayeli: kubo onyana baka‐Paroshe; u‐Ramiya, no‐Yiziha, no‐Malekiya, no‐Miyamine, no‐Elezari, no‐Malekiya, no‐Benaya. ₂₆Nakubo onyana baka‐Helami; u‐Mataniya, u‐Zekariya, u‐Yehili, no‐Habedi, no‐Jeremote, no‐Elija. ₂₇Nakubo onyana baka‐Zatu; u‐Eliwenai, u‐Eliyashibe, u‐Mataniya, u‐Jeremote, no‐Zabadi, no‐Haziza. ₂₈Nakubo onyana baka‐Bebai; u‐Jehohanane, u‐Hananiya, u‐Zabai, no‐Hatelai. ₂₉Yakubo onyana baka‐Bani; u‐Meshulame, u‐Maluke, no‐Hadaya, u‐Yashube, no‐Shali, no‐Ramote. ₃₀Nakubo onyana baka‐Pahati‐mowabi; u‐Hadena, no‐Kelali, u‐Benaya, u‐Mahaseya, u‐Mataniya, u‐Betsalele, no‐Binuwi, no‐Manase. ₃₁Nakubo onyana baka‐Harime; u‐Eliyezeri, u‐Yishiya, u‐Malekiya, u‐Shemaya, u‐Simone, ₃₂u‐Benjamine, u‐Maluke, no‐Shemariya. ₃₃Nakubo onyana baka‐Hashume: u‐Matenai, u‐Matata, u‐Zabadi, u‐Elifelete, u‐Yeremai, u‐Manase, no‐Shimehi. ₃₄Nakubo onyana baka‐Bani; u‐Mahadai, u‐Hamerame, no‐Weli, ₃₅u‐Benaya, u‐Bedeya, u‐Keluhi, ₃₆u‐Vaniya, u‐Meremote, u‐Eliyashibe, ₃₇u‐Mataniya, u‐Matenai, no‐Yahasau, ₃₈no‐Bani, no‐Binuwi, u‐Shimehi, ₃₉no‐Shelemiya, no‐Natane, no‐Hadaya, ₄₀u‐Makenadebai, u‐Shashai, u‐Sharai, ₄₁u‐Hazareli, no‐Shelemiya, u‐Shemariya, ₄₂u‐Shalume, u‐Amariya, no‐Josefe. ₄₃Nakubo onyana baka‐Nebo; u‐Yeyeli, u‐Matitiya, u‐Zabadi, u‐Zebina, u‐Yadau, no‐Joweli, no‐Benaya. ₄₄Aba bonke bebezekile abafazi bezinye intlanga: kwaye kuko pakati kwabo abanabafazi abebezalelwe abantwana ngabo.