U‐Esetere 5

₁Kwaye kute ngowesitatu umhla, wandula wambata u‐Esetere izivato zobukumkani, wema kwelapakati ikusi lendlu yokumkani, malungana nendlu yokumkani: waye ukumkani ehleli esihlalweni sake sobukumkani, ngasendlwini yobukumkani, malungana nocango lwendlu. ₂Kwaza kwati, nxa ukumkani wambona u‐Esetere ukumkanikazi emi ekusini, waselezuza ufefe emehlweni ake: wasuka ukumkani wayolulela ku‐Esetere intonga yegolide ebisesandleni sake; waza wasondela u‐Esetere wapata incam yentonga. ₃Wayesiti ukumkani kuye: Ufuna nto nina, kumkanikazi Esetere? siyinto nina isikungo sako? sonikwa kuwe nakude kube sisiqingata sobukumkani. ₄Wayesiti u‐Esetere: Ukuba kunga kulungile kukumkani, makeze ukumkani no‐Hamani namhla esidlweni endimlungisele sona. ₅Wandula wati ukumkani: Nxamisani u‐Hamani, ukuba enze ngalo ilizwi lika‐Esetere. Kwa njalo ukumkani no‐Hamani beza esidlweni abesilungisile u‐Esetere.

₆Waza ukumkani wati ku‐Esetere, esidlweni seveyine: Siyinto nina isicelo sako? sesiya kunikwa kuwe; siyinto nina nesikungo sako? siya kufezwa nakude kube sisiqingata sobukumkani. ₇Wapendula u‐Esetere, wati: Isicelo sam nesikungo sam sesokuti: ₈Ukuba ndifumene ufefe emehlweni okumkani, nokuba kunga kulungile kukumkani ukunika isicelo sam, nokufeza isikungo sam, makeze ukumkani no‐Hamani esidlweni endiya kubalungisela sona, ndandiya kuti ngomso ndenze ngalo ilizwi lokumkani.

₉WAZA u‐Hamani wapuma ngalomini evuya, enentliziyo ecwayitileyo: kodwa xeshekweni u‐Hamani wambona u‐Modekai esangweni lokumkani, ukuba akasuki, nokuba akashukumi ngenxa yake, waselezala ngumsindo u‐Hamani ngakuye u‐Modekai. ₁₀Wazinyanzela u‐Hamani noko, weza endlwini yake: waza watuma wabiza izihlobo zake, no‐Zereshe umfazi wake. ₁₁Wandula u‐Hamani wababalisela ubungcwalisa bobutyebi bake, nobuninzi babantwana bake, nako konke ukumkani abemenze mkulu ngako, nokokuba ebempakamisile ngapezu kwenkosi nezicaka zokumkani. ₁₂Walekela wati u‐Hamani: Ewe, u‐Esetere ukumkanikazi akangenisa mntu kunye nokumkani esidlweni abesilungisile, kupela mna; kanjalo nangomso ndimenyelwe kuye kunye nokumkani. ₁₃Kodwa konke oku akundincedi luto, nxa ndisabona u‐Modekai um‐Juda ehleli esangweni lokumkani. ₁₄Waza wati kuye u‐Zereshe umfazi wake, nazo zonke izihlobo zake: Makulungiswe umti ube zikubite ezimashumi mahlanu ubude bawo, uti kwakusa utete kukumkani ukuba u‐Modekai makaxo̔nywe pezu kwawo; wandule ungene nokumkani esidlweni unokuvuya. Yabilungile lento ku‐Hamani, wawulungisa umti.