1YIGCINE inyanga engu‐Abibe, ubambe ipasika kuyehova, utixo wako: ngokuba ngenyanga engu‐Abibe uyehova, utixo wako, wakupumisa e‐Jipete, ebusuku. 2Ngako uya kubingela ipasika kuyehova, utixo wako, igusha nenkomo, endaweni aya kuyinyula uyehova, ukuba amise igama lake kona. 3Akuyi kudla kunye nayo okubiliswayo; zintsuku zisixe̔nxe uya kudla kunye nayo izonka ezingenagwele, isonka sobunzima; (ngokuba ubupuma elizweni le‐Jipete ngobunxamo;) ukuze uwukumbule umhla wokupuma kwako elizweni le‐Jipete, yonke imihla yokudla kwako ubomi. 4Akuyi kubonwa kuwe igwele kuyo yonke imida yako intsuku zibe sixe̔nxe; kanjako akuyi kusala nto kwinyama uyibingayo ngokuhlwa, ngosuku lwokuqala, kude kuse. 5Akungebingele ipasika pakati kwelinye lamasango ako, uya kuwapiwa nguyehova, utixo wako: 6koko kulondawo uya kuyinyula uyehova, utixo wako, ukuba amise igama lake kona, kwa lapo uya kubingela ipasika ngokuhlwa, lakutshona ilanga, ngexesha lokupuma kwako e‐Jipete. 7Uya kwoja udle nokudla endaweni aya kunyula yona uyehova, utixo wako; uze ujike kusasa, uye ezintenteni zako. 8Zintsuku ezintandatu uya kuzidla izonka ezingenagwele; nangolwesixe̔nxe usuku kwobako intlanganisano engcwele kuyehova, utixo wako; akuyi kuwenza namnye umsebenzi.
9Iveki ezisixe̔nxe uya kuzibala kuwe; kwakuqalwa ngeṙenqa enqoloweni uya kuqala ukubala iveki zisixe̔nxe. 10Wandule ubambe umtendeleko weveki kuyehova, utixo wako, ngowesisa umnikelo wesandla sako, oya kuwunika, njengokuba ekutamsanqele uyehova, utixo wako: 11wauya kuvuya pambi kwoyehova, utixo wako, wena, nonyana wako, nentombi yako, nesicaka sako, nesicakakazi sako, nom‐Levi opakati kwamasango ako, nowasemzini, nenkedama, nomhlolokazi, abapakati kwenu, endaweni aya kuyinyula uyehova, utixo wako, ukuba amise igama lake kona. 12Wauya kukumbula ukuba ubusisicaka e‐Jipete; nezimiselo ezi uya kuzigcina uzenze.
13Umtendeleko wamapempe uya kuwubamba imihla ibe sixe̔nxe, nxa ubutileyo okwesibaya sako sokubula nokwesincinezelo sako seveyine: 14wauya kuvuya emtendelekweni wako, wena, nonyana wako, nentombi yako, nesicaka sako, nesicakakazi sako, nom‐Levi, nowasemzini, nenkedama, nomhlolokazi, abapakati kwamasango ako. 15Yimihla esixe̔nxe uya kubamba umtendeleko kuyehova, utixo wako, endaweni aya kunyula yona uyehova: ngokuba uyehova, utixo wako, eya kukutamsanqela kuyo yonke inzuzo yako, nakuwo wonke umsebenzi wezandla zako; kukona uya kuvuya kupela.
16Kwoba ngamaxesha matatu emnyakeni mnye onke amadoda ako aya kubonakala ebusweni bukayehova, utixo wako, kulondawo aya kunyula yona: ngomtendeleko wezonka ezingenagwele, nangomtendeleko weveki, nangomtendeleko wamapempe; kodwa akayi kubonakala ebusweni bukayehova engenanto: 17onika amanye ngamanye njengomnikelo wezandla zawo, njengetamsanqa likayehova, utixo wako, ulipiweyo nguye.
18Uya kuzidalela abagwebi namagosa pakati kwawo onke amasango ako, lawo uya kupiwa nguyehova utixo wako, ngezizwe zako; abaya kugweba abantu ngogwebo lwobulungisa. 19Akuyi kutyekisa ugwebo; akuyi kubuka ubuso; nebaso akuyi kulamkela; ngokuba ibaso limfamekisa amehlo abalumkileyo, lijikise amazwi abalungileyo. 20Ubulungisa, ubulungisa uya kubuputuma; ukuze udle ubomi, ulifuye elozwe ulipiwayo nguyehova, utixo wako.
21Akuyi kuzigxumekela i‐Ashera yolunye uhlobo lwemiti kufupi nesibingelo sikayehova, utixo wako, oya kuzenzela sona. 22Kanjako akuyi kuzipakamisela isifanekiso esimiyo; into ayitiyayo uyehova, utixo wako.
