Izenzo zabapostile 8

₁Kekaloku u‐Saulusi ebetakazela ukubulawa kwake.

Kwasuka kwabako ngeloxesha intshutshiso enkulu ngakuyo iṙemente ebise‐Yerusaleme: baza bonke batiwa sa emazweni ase‐Judeya ne‐Samariya; kwasala abapostile kupela.

₂Kekaloku amadoda abubedesho amncw̔aba u‐Stefane, enza isijwili esikulu pezu kwake. ₃Kodwa u‐Saulusi ebeci̔ta iṙemente, engena kwizindlu ngezindlu, er̔ola namadoda namankazana, wawanikela entolongweni.

₄Bandula abo batiwa sa bacanda indawo zonke, beshumayela ilizwi.

₅WAZA u‐Filipi wehlela esixekweni sase‐Samariya, wabashumayeza u‐Kristu. ₆Zaye izihlwele zinyamekela ezonto zibe zitshiwo ngu‐Filipi ngentliziyo nye, zisiva zibona nokubona imiqondiso abeyenza. ₇Ngokuba omoya abanco̔lileyo, bekala ngelizwi elikulu, bebepuma kwabaninzi abebenabo: kanjako abaninzi ababenesifo sokushwabanisa nabaziziqwala bapiliswa. ₈Kwaza kwabako uvuyo olukulu kwesosixeko.

₉Kwaye kuko indoda etile, egama lalingu‐Simone, ebifudula isenza ngobugqi kwesosixeko, imangalisa abantu base‐Samariya, isiti ingumntu omkulu bo: ₁₀ababebambelela kuyo bonke, kwa kuye omncinane kwada kwakuye omkulu, besiti: Lendoda ingamandla amakulu katixo. ₁₁Babebambelela kuyo ke, ngenxa yokuba bekukade ibamangalisile ngezinto zayo zobugqi. ₁₂Kodwa xeshekweni bakolwayo ngu‐Filipi, eshumayela izinto ezingabo ubukumkani bukatixo nangalo igama lika‐Yesu Kristu, bebebapitizeshwa, kwa namadoda namankazana. ₁₃Kanjalo u‐Simone wakolwa naye, wati akuba ebapitizeshiwe waman’ ukubako no‐Filipi; waza ebona imiqondiso nemimangaliso emikulu ebisenziwa, wati nqa.

₁₄Kekaloku kwakuviwa ngabapostile abebese‐Yerusaleme, ukuba i‐Samariya ilamkele ilizwi likatixo, batuma kubo u‐Petrosi no‐Johane: ₁₅abati, bakuba behlele kona, babatandazela, ukuze bamkele umoya oyingcwele: ₁₆(ngokuba ebengekabawelanga kwa namnye; koko babe bebapitizeshelwe egameni lenkosi u‐Yesu kodwa.) ₁₇Bandula babeka izandla pezu kwabo, baza bamkela umoya oyingcwele.

₁₈Wati kekaloku u‐Simone, ebonile okokuba umoya oyingcwele uyanikwa ngokubekwa kwezandla zabapostile, wafuna ukubanikela imali, ₁₉esiti: Ndipeni nam igunya eli, lokuba lowo ndisukuba ndibeka izandla pezu kwake amkele umoya oyingcwele. ₂₀Kodwa u‐Petrosi wati kuye: Maiti imali yako kunye nawe ibe yinto yokutshatyalaliswa, ngokokuba isipo sikatixo ubusiba wosizuza ngemali. ₂₁Akunasahlulo nasabiwo kulendawo: ngokuba intliziyo yako ingalungile ebusweni bukatixo. ₂₂Guquka ngoko kubo obububi bako, ukunge utixo, ukuba umhlaumbi woyixolelwa inkumbulo yentliziyo yako. ₂₃Ngokuba ndibona ukuba usenyongweni yobuṙaṙa nasekubanjweni kwenkohlakalo. ₂₄Waza wapendula u‐Simone wati: Ndikungeleni nina enkosini ukuze kungandihleli nanye yezozinto nitetile ngazo.

₂₅Bandula bona, bakuba benqi̔nisile bateta ilizwi lenkosi, babuyela e‐Yerusaleme, bashumayela ivangeli emizini emininzi yama‐Samariya.

₂₆Yati kekaloku ingelosi yenkosi yateta ku‐Filipi, isiti: Suka, uhambele ngasesuyide, ngendlela ehlayo e‐Yerusaleme iye e‐Gaza, leyo ilubala. ₂₇Wesuka ke wahamba: kekaloku bona ke, umntu wase‐Tiyopiya, umbusi omkulu ka‐Kandase ukumkanikazi wama‐Tiyopiya, obepezu kwayo yonke indyebo yake, obezile e‐Yerusaleme ukuza kubedesha, ₂₈wabebuya, wati ehleli enqwelweni yake walesesha incwadi yomprofite u‐Yisaya. ₂₉Waza wati umoya ku‐Filipi: Sondela, uhlangane nalenqwelo. ₃₀Waza u‐Filipi wagidimela kona, wamva elesesha incwadi yomprofite u‐Yisaya, wati: Uqonda ke na oko ukuleseshayo? ₃₁Wati yena: Ndingati nina ukuqonda pofu, ukuba akuko mntu ondikapayo? Waza wambongoza u‐Filipi ukuba akwele ahlale naye. ₃₂Kekaloku indawo yesiba̔lo abeyilesesha, ibiyilé yokuti: War̔olwa njengegusha isiya ekuxe̔lweni, nanjengokuba imvana ebusweni boyigugulayo isidenge, kwa njalo akavuli umlomo wake: ₃₃ebupantsini bake ukugwetyelwa kwake kwasuswa; nesizukulwana sake ngubanina oya kusixela? ngokuba bususwa emhlabeni ubomi bake. ₃₄Wapendula ke umbusi lowo ku‐Filipi, wati: Ndiyakukunga, umprofite utsho oku ngobanina? ngokwake, ngomntu wumbi, kusinina? ₃₅Waza u‐Filipi wavula umlomo wake, waqala kwa kuso isiba̔lo esi, wamshumayeza u‐Yesu.

₃₆Kekaloku nxa bebehamba endleleni, bafika ngasemanzini atile: waza wati umbusi: Nanga amanzi; ndixakwa yinto nina ukubapitizeshwa? ₃₇Wayesiti u‐Filipi: Ukuba uyakolwa ngayo yonke intliziyo yako, kungenzwa. Wayependula wati: Ndiyakolwa ukuba u‐Yesu Kristu unguye unyana katixo. ₃₈Waza waxela ukuba inqwelo ime: baza bobabini behlela emanzini, kwa no‐Filipi nombusi; wambapitizesha ke. ₃₉Kekaloku okuya bebenyuke emanzini, umoya wenkosi wamsusa u‐Filipi, wati umbusi akabi sambona: ngokuba ebehamba indlela yake evuya. ₄₀Kodwa u‐Filipi wafunyanwa e‐Azote: waza ecanda ilizwe washumayela ivangeli kuzo zonke izixeko, wada wafika e‐Kesareya.