Eyesibini incwadi ka‐Johane 1

₁UMDALA kuyo inkosikazi enyuliweyo nakubo abantwana bayo, endibatandayo mna enyanisweni; ndingendim ndedwa, ngabo bonke abayazileyo inyaniso nabo; ₂ngenxa yenyaniso ehlala kuti, eya kubako nati kude kube ngunapakade kanjalo: ₃Makubeko nani ufefe, ububele, uxolo luvela kutixo uyise, na kwinkosi u‐Yesu Kristu unyana kayise, enyanisweni naselutandweni.

₄Ndavuya kunene ukuba ndifumene abantwana bako inxenye behamba enyanisweni, njengokuba besiwamkele umyalelo kuye uyise. ₅Nakaloku ndiyakutandaza, nkosikazi! kungenjengokungati ndiba̔la umyalelo omtsha kuwe, koko ndiba̔la lowo esibe sinawo kwa sekuqaleni, wokuba sitandane. ₆Lulo olu ke utando, lwokuba sihambe ngokwemiyalelo yake. Nguwo lo umyalelo: Lwokuba niti, njengokuba benivile kwa sekuqaleni, nihambe kulo.

₇Ngokuba abakohlisi abaninzi bengene elizweni, abangavumiyo u‐Yesu Kristu ukuba ubesiza enyameni. Onjalo ungumkohlisi no‐Antikristu. ₈Zilumkeleni, ukuze singalahlekani nezozinto sizisebenzileyo, siti samkele umvuzo ozalisekileyo. ₉Osukuba epambuka, engahlali elufundisweni luka‐Kristu, akanaye utixo. Ohlalayo elufundisweni luka‐Kristu, yena lo u noyise kwa nonyana. ₁₀Ukuba umntu uyeza kuni, oti olufundiso angaluzisi, ningamamkeli endlwini ke, ningateti kuye ngokubulisa: ₁₁ngokuba oteta kuye ngokubulisa enobudlelana nemisebenzi yake ekohlakeleyo.

₁₂Ndinazo izinto ezininzi nje zokuniba̔lela, bendingafuni ukunga ndingaba̔la ngepepa neyinke: koko nditemba ukuza kuni, nokuteta umlomo ngakuwo umlomo, ukuze uvuyo lwetu lube luzalisekile.

₁₃Abantwana bodade wako onyuliweyo bayakubulisa. Amene.