Eyokuqala ka‐Samyali 12

₁WAZA u‐Samyali wati kubo bonke o‐Sirayeli: Bona ke, ndipulapulile ilizwi lenu ngako konke enikutetileyo kum; ndenzile ukumkani pezu kwenu. ₂Nakaloku, nanku ukumkani ehamba pambi kwenu: mna ke, ndimdala, ndinezimvi; nonyana bam, naba benani: kanjalo mna ndihambile ebusweni benu kwa sebutsheni bam kude kwanamhla. ₃Nanku ndilapa nje, nqi̔nelani ngakum pambi kwotixo, napambi kwomtanjiswa wake: yekabanina inkabi endiyihlutileyo? lelikabanina iqwaṙashe endilihlutileyo? ngubanina endimlumkisileyo? ngubanina endimbandezeleyo? ndisamkele isizi kwesikabanina isandla, ukuba ndimfamekise amehlo am ngaso? ndandiya kubuyisela kuni. ₄Baye besiti: Akusilumkisanga, akusibandezelanga, akwamkelanga nto esandleni samntu. ₅Waza wati kubo: Uyehova ulinqi̔na ngakuni, nomtanjiswa wake ulinqi̔na namhla nje, lokuba anifumananga nto esandleni sam. Bati: Ulinqi̔na.

₆Walekela u‐Samyali wati ebantwini: Nguyehova owenza u‐Mosesi no‐Arone, nowenyusayo oyihlo benu elizweni le‐Jipete. ₇Ngako kaloku yimani, ukuze ndipikisane nani ebusweni bukayehova ngazo zonke izenzo ezilungileyo zikayehova, azenzileyo kuni nakoyihlo benu. ₈Xeshekweni abefikile u‐Yakobi e‐Jipete, bada bakala oyihlo benu kuyehova, wandula uyehova watuma u‐Mosesi no‐Arone, abapumisayo oyihlo benu e‐Jipete, babahlalisa kulendawo. ₉Kodwa bamlibala uyehova, utixo wabo; waza wabatengisa esandleni sika‐Sisera, inkosi yempi yase‐Hatsore, nasesandleni sama‐Filistiya, nasesandleni sokumkani wama‐Mowabi, abalwayo ngakubo. ₁₀Bada bakala kuyehova, bati: Sonile, ngokuba sishiyile uyehova, sakonza o‐Bali no‐Hashetorete; kodwa kaloku sisindise esandleni sentshaba zetu, sasiya kukonza wena. ₁₁Wandula uyehova watuma u‐Yerubebali, no‐Bedane, no‐Jefeta, no‐Samyali, wanisindisa esandleni sentshaba zenu ezingqongayo, nada nahlala ngokunqaba. ₁₂Kodwa nakubona ukuba u‐Nahashe, ukumkani wosapo luka‐Hamoni, weza ngakuni, nati kum: Hai; ngukumkani oya kupata ubukosi pezu kwetu; nxa uyehova, utixo wenu, ebengukumkani wenu. ₁₃Ngako kaloku nanku ukumkani enimnyulileyo, lowo nimcelileyo! bona ke, uyehova umisile ukumkani pezu kwenu. ₁₄Ukuba niya kumoyika uyehova, nimkonze, nipulapule ilizwi lake, ningavukeli ngakuwo umlomo kayehova, niya kwandul’ ukuti, kwa nani nokumkani opata ubukosi pezu kwenu, nimlandele uyehova, utixo wenu: ₁₅kanti ukuba aniyi kupulapula ilizwi likayehova, koko nivukela ngakuwo umlomo kayehova, sesiya kuti isandla sikayehova sibe ngakuni, njengokuba besingakubo oyihlo benu. ₁₆Ngako kaloku yimani, nibone lento enkulu, aya kuyenza uyehova pambi kwamehlo enu. ₁₇Asi kuko na ukuvunwa kwenqolowa namhla? Ndiya kubiza kuyehova: waeya kunika indudumo nemvula, ukuze nazi, nibone, ukuba kukulu ukukohlakala kwenu, enikwenzileyo emehlweni kayehova, ngokuzicelela ukumkani.

₁₈Wandula u‐Samyali wabiza kuyehova; waza uyehova wanika indudumo nemvula ngalomini; bati bonke abantu boyika kakulu uyehova no‐Samyali. ₁₉Kanjalo bonke abantu bati ku‐Samyali: Tandazela izicaka zako kuyehova, utixo wako, ukuze singafi; ngokuba songezile kuzo zonke izono zetu lenkohlakalo yokuzicelela ukumkani.

₂₀Waza u‐Samyali wati ebantwini: Ningoyiki; niyenzile kambe yonke lenkohlakalo; noko ke ningapambuki ekumlandeleni uyehova, kodwa konzani uyehova ngayo yonke intliziyo yenu: ₂₁ize ningapambuki; ngokuba beniya kulandela izinto ezingendawo, ezingenakunceda, ezingenakusindisa nokusindisa; ngokuba zingendawo. ₂₂Ngokuba uyehova engayi kulahla abantu bake, ngenxa yegama lake elikulu; ngokuba uyehova ebetanda ukunenza abantu bake. ₂₃Kanjako mna, makube lé kum ukuba ndone ngakuye uyehova, ngokuyeka ukunitandazela; koko ndiya kunifundisa indlela elungileyo nefanelekileyo: ₂₄kodwa yoyikani uyehova, nimkonze yena ngenyaniso ngayo yonke intliziyo yenu; ngokuba gqalani izinto ezingakanana azenzileyo kuni. ₂₅Kodwa ukuba nimana ukwenza inkohlakalo, niya kubujiswa, kwa nina nokumkani wenu.