Eyokuqala yezikronike 15

₁KEKALOKU u‐Davide wazenzela izindlu esixekweni sika‐Davide, wayilungisela ityeya katixo indawo, wayolulela intente. ₂Wandula wati u‐Davide: Akuko mntu ongayitwalayo ityeya katixo, kupela ngaba‐Levi; ngokuba bona ebanyulile uyehova ukuba batwale ityeya katixo, nokuba bamkonze kude kube ngunapakade.

₃Waza u‐Davide wabahlanganisela e‐Yerusaleme o‐Sirayeli bonke, ukuze ityeya kayehova inyuselwe endaweni yayo, leyo ebeyilungisele yona. ₄Kanjalo wababuta u‐Davide onyana baka‐Arone naba‐Levi: ₅konyana baka‐Kohati, u‐Wuriyeli oyinkosi, nabazalwana bake abalikulu linamashumi mabini; ₆konyana baka‐Merari, u‐Hasaya oyinkosi, nabazalwana bake abangamakulu mabini anamashumi ekwa mabini; ₇konyana baka‐Gereshome, u‐Joweli oyinkosi, nabazalwana bake abalikulu linamashumi matatu; ₈konyana baka‐Elitsafane, u‐Shemaya oyinkosi, nabazalwana bake abangamakulu mabini: ₉konyana baka‐Hebrone, u‐Eliyeli oyinkosi, nabazalwana bake abangamashumi asibozo; ₁₀konyana baka‐Huziyeli, u‐Haminadabi oyinkosi, nabazalwana bake abalikulu elineshumi linababini.

₁₁Waza u‐Davide wabiza u‐Tsadoki no‐Abiyatare abaperisite, naba‐Levi, u‐Wuriyeli, no‐Hasaya, no‐Joweli, no‐Shemaya, no‐Eliyeli, no‐Haminadabi, ₁₂wati kubo: Nina nizintloko zendlu zoyise zaba‐Levi; zingcwaliseni, nina nabazalwana benu, ukuba niyinyuse ityeya kayehova, utixo wo‐Sirayeli, ize endaweni ndiyilungisele yona. ₁₃Ngokokuba bekungenini abenje njalo ekuqaleni, watyobozela pezu kwetu uyehova, utixo wetu, ngokuba singamfunanga njengesiko.

₁₄Bandula abaperisite naba‐Levi bazingcwalisa, ukuze benyuse ityeya kayehova, utixo wo‐Sirayeli. ₁₅Lwaza usapo lwaba‐Levi lwayityata ityeya katixo emagxalabeni alo, ngezibonda ezipezu kwayo, njengokuba ebeyalele u‐Mosesi ngelizwi likayehova.

₁₆Wateta u‐Davide kwinkosi zaba‐Levi, ukuba zimise abazalwana bazo abaculi, benento zokuculisa, inebele, nehadi, nesimbali, bevakalisa ngokupakamisa ilizwi ngovuyo. ₁₇Baza aba‐Levi bamisa u‐Hemani unyana ka‐Joweli; nakubazalwana bake, u‐Safa unyana ka‐Berekiya; nakonyana baka‐Merari abazalwana babo, u‐Etane unyana ka‐Kushaya: ₁₈nakunye nabo, abazalwana babo besaci sesibini, u‐Zekariya, u‐Bene, no‐Yaziyeli, no‐Shemiramote, no‐Yehili, no‐Huni, no‐Eliyabe, no‐Benaya, no‐Mahaseya, no‐Matitiya, no‐Elifele, no‐Mikineya, no‐Obedi‐edome, no‐Yeyeli, abalindimnyango. ₁₉Baza abaculi, u‐Hemani, no‐Safa, no‐Etane, bavakalisa ngesimbali zexina; ₂₀no‐Zekariya, no‐Aziyeli, no‐Shemiramote, no‐Yehili, no‐Huni, no‐Eliyabe, no‐Mahaseya, no‐Benaya, ngenebele ngokwehalamote; ₂₁no‐Matitiya, no‐Elifele, no‐Mikineya, no‐Obedi‐edome, no‐Yeyeli, no‐Hazaziya, ngehadi ngokwesheminiti, ukuhlabelisa.

₂₂Kekaloku u‐Kenaniya ebengumpati waba‐Levi ngokuvuma: waluleka ngokuvuma, ngokuba ebenokuqonda. ₂₃U‐Berekiya no‐Lekana bebengabalindimnyango betyeya.

₂₄U‐Shebaniya, no‐Yoshafate, no‐Netaneli, no‐Hamasai, no‐Zekariya, no‐Benaya, no‐Eliyezeri, abaperisite, bahlokomisa amaxilongo pambi kwetyeya katixo: u‐Obedi‐edome no‐Yehiya bebengabalindimnyango betyeya.

₂₅Kwaye kute, u‐Davide, nabadala bo‐Sirayeli, nenkosi zamawaka, baya ukunyusa ityeya yocebano lukayehova endlwini ka‐Obedi‐edome ngovuyo. ₂₆Kwaza kwati, ngokokuba utixo wabanceda aba‐Levi abatwala ityeya yocebano lukayehova, babingelela inkunzana zenkomo ezisixe̔nxe, nenkunzi zegusha ezikwa sixe̔nxe. ₂₇Kekaloku u‐Davide wavatiswa ngengubo yeqiya eshiceneyo, kwa nabo bonke aba‐Levi abatwala ityeya, nabaculi, no‐Kenaniya umpati wokuvuma kwabaculi: kanjalo u‐Davide ebeneyefodi yeqiya pezu kwake. ₂₈Kwa njalo o‐Sirayeli bonke benyusa ityeya yocebano lukayehova, ngokumemeza, nangentlokoma yopondo, nangamaxilongo, nangesimbali, bevakalisa ngenebele nangehadi.

₂₉Kwaza kwati, yakufika ityeya yocebano lukayehova esixekweni sika‐Davide, u‐Mikali, intombi ka‐Saule, wakangela ngefentsile, wambona ukumkani u‐Davide eduda, edlala nokudlala: wandula wamdela entliziyweni yake.