DZIPHISALEMA 129

₁Vho ntsala murahu u bva hanani hanga –

Vhaisraele nga vha ralo –

₂vho ntsala murahu u bva hanani hanga,

hone a vho ngo nkona,

a vho ngo nkunda.

₃Vhalimi vho nndima muṱana

vha tou randekanya.

₄Muṋe washu u a fulufhedzea,

o tumula thambo dza vhavhi vhó mmbofha.

₅Ngavhe vhoṱhe vha vhengaho Tsioni

vha tshi shoniswa vha sukumedzelwa murahu;

₆nga vha nge hatsi vhu melaho ṱhangani ya nnḓu,

ha puta vhu sa athu aluwa,

₇mukaṋi a si vhu kaṋe,

a si vhu vhofhe khuḽane a vhu hwala,

₈vhafhiri vha gondo vha sa ḓo ri,

“Muṋe washu a vhe na inwi!”

Ri ni shudufhadza nga dzina ḽa Muṋe washu.