DZIPHISALEMA 127

₁Nnḓu arali i sa fhaṱwi nga Muṋe washu,

vhafhaṱi a vha na tshine vha ita.

Muḓi arali u sa lindwi nga Muṋe washu,

mulindi a tshi lala o ruḓa maṱo

u sokou ḓinetisa.

₂U tshi bubela mushumoni,

wa kovhedza ḓuvha,

wa ḽa tsha biko,

a zwi u farisi tshithu;

Muṋe ashu u fusha vhane a vha funa vhó ḓilalela!

₃Vhana ndi tshifhiwa tshi bvaho ha Muṋe washu,

mbebo ndi pfufho.

₄Vhana vhane muthu a vha sika a tshee muswa,

vha nga misevhe yo farwaho nga muhali.

₅U na mashudu ane mukutu wawe wa dzula wo ḓala yone!

A tshi imedzana na maswina tshifhingoni,

ha nga shoni.