DZIPHISALEMA 124

₁Ngavhe Muṋe washu a si ime na riṋe –

Vhaisraele nga vha ralo –

₂ngavhe Muṋe washu a si ime na riṋe

musi vhathu vha tshi ri levhela

₃zwiḽa vho ri sinyutshela,

ndi musi vho ri mila ri tshi vhona,

₄ndi musi ro tibwa nga muḓalo wa maḓi,

ró kumbwa nga mikumbela,

₅ró poswa kule nga maḓi o sinyuwaho.

₆Nga hu rendwe Muṋe washu,

ho ngo litsha vha tshi ri ponda;

₇ro ponyoka unga tshiṋoni

tshi tshi ponyoka tshikwekweni tsha murei;

tshikwekwe tsho vunḓea,

riṋe ra ponyoka ra shavha.

₈Ri tikwa nga dzina ḽa Muṋe washu,

Musiki wa ḽiṱaḓulu na ḽifhasi.