DZIPHISALEMA 110

₁Muṋe washu o vhudza khosi muṋe wanga,

a ri, “Dzula thungo ya tshauḽa tshanga,

ri vhuse roṱhe,

ndi vhuye ndi ite maswina au

vhukando ha milenzhe yau.”

₂Muṋe washu u ḓo u fha luḓo lwa vhuhosi e Tsioni,

ha vha u sumbedza maanḓa au a vhuhosi.

Ndi zwone, vhusa maswina au.

₃Vhathu vhau vha ḓo vha na dzangalelo ḽa u yo lwa

musi u tshi bva pfumo.

Vhaṱhannga vhau vha ḓo ḓa ha iwe vhó anda unga ṅwando

wo bebwaho nga mapfuvhi a tshi tswuka,

vhó ḓiṱama nga vhugala vhukhethwa.

₄Muṋe washu o ana,

a nga si tsha shanduka,

u ri, “U Tshifhe wa lini na lini nga maitele a Melkitsedeke.”

₅Muṋe wa zwoṱhe u u tika nga maanḓa awe;

musi wa mbiti dzawe u ḓo kuyekanya mahosi;

₆u ḓo haṱula dzitshakha,

a khokha vhafu,

a kuyekanya vhavhusi vha ḽifhasi ḽoṱhe.

₇U ḓo nwa maḓi mulambwanani wa tsini ha nḓila,

wa wana maanḓa, wa kunda.