YESAYA 12

“Muṋe washu, ndi a u renda!

Wo vha wo ntsinyutshela,

hone zwino mbiti dzau dzo fhela,

wo mphumudza.

₂Vhukumakuma Mudzimu ndi Mutshidzi wanga;

a thi tsha ḓo ofha, ndi fulufhela Ene.

Yahavee Muṋe washu ndi Ene nungo dzanga,

ndi imba Ene, ndi Mutshidzi wanga.

₃Ni ḓo pembela na ka maḓi zwisimani zwi ṋeaho vhutshilo.”

₄Musi wonoyo ni ḓo ri,

“Livhuhani Muṋe washu,

mu vhidzeni a ni farise,

ḓivhadzani dzitshakha mishumo yawe mihulu,

vha sumbedzeni vhuhulu hawe.

₅Imbelani Muṋe washu,

o ita zwithu zwihulu;

shango ḽoṱhe nga ḽi zwi ḓivhe hezwo.

₆Inwi vhathu vha Tsioni, ṱavhani mukosi ni fhululedze!

Edzonu vhona uri Mukhethwa wa Israele

a re vhukati haṋu o hula hani!”