ESEKIELE 15

₁Ipfi ḽa Muṋe washu ḽa amba na nṋe ḽa ri, ₂“Iwe ṅwana wa muthu, thanda ya munḓirivhe i fhira thanda ya davhi ḽa muri wa ḓaka ngani? ₃Vhathu vha a vhuya vha vhaḓa tshithu ngawo? Vhathu vha a vhuya vha ita muthambi vha fhahea zwithu khawo? ₄Ngoyo u tshi khou vhaswa wa ita khuni. Mulilo u duga tshirahoni na ṱhodzini, vhukati wo vhavhiwa wa swifhala, muthu a nga kha ḓi vhaḓa tshithu ngawo? ₅Na musi u tshi kha ḓi vha wavhuḓi, wo vha u sa vhaḓei; zwino wó swa wó no vhavhea wa swifhala, u kha ḓi vhaḓea naa?”

₆Zwenezwo Muṋe wa zwoṱhe Muṋe washu u ri, “Ndi litsha miri yoṱhe nda dzhia matavhi a munḓirivhe nda a posa muliloni a vha khuni, na vhathu vha Jerusalema ndi ḓo vha ita nga u ralo. ₇Vha ri vho ponyoka mulilo, hone mulilo u kha ḓi ḓo vha fhisa. Ndi hone ni tshi ḓo zwi ḓivha uri ndi Nṋe Yahavee, ngauri Nṋe muṋe ndi ḓo lwa navho, ₈nda phusukanya shango ḽa sala ḽi soga, nda vha rwa nga u vhona vha tshi ḓi ntshandukela, hu amba Nṋe Muṋe wa zwoṱhe Yahavee.”