SIRAKA 5

₁O se ka wa tlhoma pelo ya gago mo mading, kgotsa wa re, “Se, se ntekanye.”

₂O se ka wa gogwa ke dikeletso tsa gago le nonofo ya gago, mme wa sala ditshekamelo tsa pelo ya gago morago.

₃Mme O se ka wa re, “Ke mang yo o ntaolang?” gonne Morena o tlaa bo a go otlhaye.

₄O se ka wa re, “Ke leofile, mme ke eng se se neng sa ntiragalela?” gonne boitshoko jwa Morena bo boleele.

₅O se ka wa tlhomamisa gore O tlaa nna O itšhwarelwa, mme wa nna wa tlhatlaganya dibe.

₆Mme O se ka wa re, “Bopelotlhomogi jwa gagwe bo bogolo mme o tla intšhwarela dibe tse dintsi.” Gonne le fa go na le boutlwelo-botlhoko mo go ene, o itse go nna bogale, mme kgalefo ya gagwe e imela baleofi.

₇O se ka wa diega go boela kwa Moreneng, wa ne O sale O ntse O re o go iketlela malatsi otlhe, gonne bogale jwa Morena bo a bo bo ka tloga jwa tuka, mme ka nako ya katlholo O tla nyelelediwa ruri.

₈O se ka wa tlhoma pelo ya gago mo papading ya bogotšwana, ga e na go go thusa ka letsatsi la bomadimabe.

₉O se ka wa olosa mo phefong nngwe le nngwe, kgotsa wa tsaya tsela nngwe le nngwe (moleofi wa molotsana ke ene yo o dirang jalo).

₁₀O itsetsepele mo go tlhaloganyeng ga gago, O tlhoke bolotsana mo puong.

₁₁O nne bonako go reetsa mme O akanye pele ga O araba.

₁₂Fa O tlhaloganya sengwe, O arabe mokaulengwe wa gago, e seng jalo O mome molomo wa gago.

₁₃Tlotlo le ditlhong di tswa mo go bueng, loleme lwa motho le ka nna lwa mo diga.

₁₄O se ka wa bidiwa mosebi, wa bo wa thaisa ba bangwe ka loleme lwa gago, gonne katlholo e e setlhogo e tlela molotsana, fela jaaka ditlhong di tlela legodu.

₁₅Mo dilong tse dikgolo le tse dinnye O se ka wa kgopisa ope, mme O se ka wa nna mmaba boemong jwa go nna tsala;