SIRAKA 49

₁Go gakologelwa Josia go tšhwana le maswalo a a tlhakantšweng e baakantšwe ke motlhakanyi yo o nkgisang dilo monate ka botšwerere; go natefa jaaka dinotshe di natefelela legano lengwe le lengwe; go bile go monate jaaka dipina mo modirong wa bojalwa.

₂O ne a le mo tseleng e e siameng ya go tlhabolola batho, a kumola bosula jwa boleo.

₃O ne a tlhomile pelo ya gagwe mo Moreneng, mme ya re ka nako tsa boikepo a gagamatsa tumelo-Modimo.

₄Kwa ntle ga bo-Dafita, Hesekiele le Josia botlhe ba ne ba leofa thata, ka ba ne ba tlhokomologa Molao wa Mogodimodimo. Magosi a Juta a ne a nyelela, ₅ka ba ne ba neela ba bangwe thata ya bone e kgolo; tlotlo ya bone le yone ba e neela setšhaba se sele.

₆Motse o o boitshepo o o tlhopilweng o ne wa fisiwa, mebila ya one ya tlogelwa, ₇jaaka Jeremia a ne a boleletse-pele; gonne ba ne ba mo tšhwara mašwe, le mororo a ne a itshepiseditšwe mo popelong ya ga mmaagwe gore a kumole, a utlwise botlhoko, a bo a senye, fela a bo a age, a tlhome.

₈Hesekiele ke ene yo o neng a bona ponalo ya kgalalelo e Modimo o neng wa e mo supegetsa fa godimo ga kara ya Dikheruba, ₉ka o ne wa gakologelwa go naya baba ba one pula ya matsorotsoro, se se neng sa thusa ba ba neng ba tsamaya mo tseleng e e siameng.

₁₀Fa e le baboledi-pele bone ba 12 a marapo a bone a tshele gape a tšwa mo lebitleng, gonne ba ne ba gomotsa Jakobe mme ba mo namola ka tumelo le tsholofelo.

₁₁Kana ruri re tla boka Serubabele jang? O ne a tšhwana le mhitshana o o kanang mo seatleng se se siameng. Jošua morwa Josada le ene o ne a ntse jalo; ₁₂bone ba mo malatsing a bone ba ne ba aga Tempele mme ba itshepisetsa Modimo batho, ba ba neng ba tshwaetšwe kgalalelo e e sa khutleng.

₁₃Kgakologelo ya ga Nehemia le yone e ne e le kgolo, ene yo e neng ya re mabotana a rona a gosomanye a a re agela gape, a tlhoma diheke le mepako, a bo a re agela matlo gape.

₁₄Ga go na ope yo o kileng a bopiwa mo lefatshing a lekana le Enoko, gonne o ne a tlhatlosediwa kwa godimong a tšwa mo lefatshing.

₁₅Mme ga go na ope yo o kileng a tsalwa a tšhwana le Josefa, yo e neng e le moeteledipele wa bomorwa-rraagwe, motshegetsi wa batho ba ba gaabo. Marapo a gagwe a ne a tlotliwa.

₁₆Sheme le Sethe le bone ba ne ba tlotlegile mo bathong. Fela yo o fetang sebopiwa sengwe le sengwe se se tshelang ka Atame.