ESETHERE (SEGERIKA) 12

₁Jaanong Moredekai o ne a ikhutsa ka kwa lapeng a na le Bigethane le Tereše, ba e neng e le baopafadiwa ba kgosi ba ba neng ba lebeletse ntlo ya yone. ₂A utlwa maikaelelo a bone mme a lemoga borukutlhi jwa bone. Ya re a utlwa fa ba ne ba ipaakanyetsa go bolaya Kgosi Ahasewerose, a ya go mo loma tsebe kaga bone.

₃Ke fa kgosi e ba sekisa, mme ya re ba ipolela, ba ya go bolaiwa.

₄Kgosi ya laela gore dilo tse di kwalwe mme di bolokwe mo Dikwalong tsa Ditiragalo tsa gagwe, fa Moredekai le ene a ne a di kwala. ₅Kgosi jaanong ya naya Moredekai tiro mo kgotleng mme ya mo duelela dilo tse.

₆Fela Hamane morwa Hammedatha, Moagaga, yo o neng a ratwa thata ke kgosi, o ne a ikaelela go busolosetsa baopafadiwa ba babedi ba kgosi ka go utlwisa Moredekai botlhoko.