ESERA 2

₁Batho ba naga ya Juta ba ba boileng botshwarong e le batshwarwi ba Nebukatenesare kgosi ya Babele o kileng a ba isa botshwarong kwa Babele, mme jaanong ba boela kwa Jerusalema le Juta mongwe le mongwe kwa motseng wa ga gabo ke ba: ₂ba tla le Serubabele le Jesua le Nehemia le Seraya le Reelaya le Moretogai le Bilesane le Misephare le Bigwai le Rehume le Baana. Palo ya banna ba morafe wa Iseraele ke e: ₃Ba losika lwa ga Pharoše ba le 2 172; ₄ba losika lwa ga Sefatya ba le 372; ₅ba losika lwa ga Ara ba le 775; ₆ba losika lwa ga Phahathe-Moabe, e bong ba losika lwa ga Jesua le Joabe ba le 2 812; ₇ba losika lwa ga Elame ba le 1 254; ₈ba losika lwa ga Sathu ba le 945; ₉ba losika lwa ga Sakai ba le 760; ₁₀ba losika lwa ga Bani ba le 642; ₁₁ba losika lwa ga Bebai ba le 623; ₁₂ba losika lwa ga Asekate ba le 1 222; ₁₃ba losika lwa ga Atonikame ba le 666; ₁₄ba losika lwa ga Bigwai ba le 2 056; ₁₅ba losika lwa ga Adine ba le 454; ₁₆ba losika lwa ga Atere lwa ga Hesekia ba le 98; ₁₇ba losika lwa ga Besai ba le 323; ₁₈ba losika lwa ga Jora ba le 112; ₁₉ba losika lwa ga Hasume ba le 223; ₂₀ba Gibare ba le 95; ₂₁ba Betleheme ba le 123; ₂₂banna ba Netofa ba le 56; ₂₃banna ba Anathothe ba le 128; ₂₄ba losika lwa ga Asemawethe ba le 42; ₂₅ba Khiriathe-Arime le Kefira le Beerothe ba le 743; ₂₆ba Rama le Geba ba le 621; ₂₇banna ba Migemase ba le 122; ₂₈banna ba Bethele le Ai ba le 223; ₂₉ba losika lwa ga Nebo ba le 52; ₃₀ba losika lwa ga Magebise ba le 156; ₃₁ba losika lwa ga Elame yo mongwe ba le 1 254; ₃₂ba losika lwa ga Harime ba le 320; ₃₃ba Lote le Hadite le Ono ba le 725; ₃₄ba Jerigo ba le 345; ₃₅ba losika lwa ga Senaa ba le 3 630.

₃₆Baperesiti: Ba losika lwa ga Jetaya, ba kgoro ya ga Jesua ba le 973; ₃₇ba losika lwa ga Imere ba le 1 052; ₃₈ba losika lwa ga Phašure ba le 1 247; ₃₉ba losika lwa ga Harime ba le 1 017.

₄₀Balefi: Ba losika lwa ga Jesua le Katemiele, ba losika lwa ga Hotafia ba le 74. ₄₁Baopedi: Ba losika lwa ga Asafe ba le 128. ₄₂Ba ditshika tsa badisa ba dikgoro: Ba losika lwa ga Sadume le Atere le Talemone le Akhube le Hatita le Sobai botlhe mmogo ba le 139.

₄₃Batlhanka ba Tempele ke ba: Ke ba losika lwa ga Siha le boora Hasufa le boora Tabaothe ₄₄le boora Kerose le boora Siaha le boora Fatone ₄₅le boora Lebana le boora Hagaba le boora Akhube ₄₆le boora Hagabe le boora Samelai le boora Hanane ₄₇le boora Gitele le boora Kahare le boora Reaya ₄₈le boora Resine le boora Nekota le boora Gasame ₄₉le boora Usa le boora Phasea le boora Besai ₅₀le boora Asena le boora Bameuni le boora Banefusi ₅₁le boora Bakabuke le boora Hakhufa le boora Harehure ₅₂le boora Baselothe le boora Mehita le boora Haresa ₅₃le boora Barekose le boora Sisera le boora Thema ₅₄le boora Nesia le boora Hatifa.

₅₅Ba ditshika tsa batlhanka ba ga Salomo ke ba: Ke boora Sotai le boora Hasoferethe le boora Feruta ₅₆le boora Jaala le boora Darekone le boora Gitele ₅₇le boora Sefatya le boora Hatile le boora Phogerethe-Hasebaime le boora Ami.

₅₈Batlhanka botlhe ba Tempele le boora batlhanka ba ga Salomo ba ne ba le 392.

₅₉Ba ba tswang go boa kwa Thelemela le Theleharesa le Kerube le Atane le Imere, mme ba se ka ba kgona go supa lelapa la bone le losika lwa bone fa e le Baiseraele ke ba: ₆₀Ke boora Delaya le boora Tobia le boora Nekota ba le 652 mmogo.

₆₁Le boora baperesiti: E bong boora Habaya le boora Hakose le boora Baresilai yo o neng a tsere mosadi mo go bomorwadia Baresilai wa kwa Gileate, mme a bidiwa ka leina la bone. ₆₂Bao ba batla matsalo a bone mo lokwalong lwa maina a ditshika, mme a se ka a bonala; ka moo ba kaiwa ba ba itshekologileng, ba ntshiwa mo boperesiting. ₆₃Mme mookamedi wa naga a ba laela gore ba se ka ba ja tse di boitshepotshepo go tsamaya go be go tsoge moperesiti yo o nang le “Lesedi le Tshiamo”.

₆₄Phuthego yotlhe mmogo e ne e le batho ba le 42 360; ₆₅go sa balwe batlhanka ba bone le malata a bone; bone ba ne ba le 7 337. Ba bile ba na le baopedi ba banna le ba basadi ba le 200. ₆₆Dipitse tsa bone di ne di le 736, meboulwe ya bone e le 245; ₆₇dikammele tsa bone di le 435, diesele tsa bone di le 6 720.

₆₈Mme bangwe ba ditlhogo tsa dikgoro, e rile ba fitlha kwa Ntlong ya Morena e e kwa Jerusalema, ba ntshetsa Ntlo ya Modimo dineo ka bogabone gore e tsosiwe gape mo motheong wa yona; ₆₉ba ntshetsa polokelo ya tiro eo ka fa ba kgonang ka teng, e bong diranta di le 122 000 tsa madi a gouta le dimane di le 5 000 tsa selefera le dikobo tsa baperesiti di le 100.

₇₀Mme baperesiti le Balefi le bangwe ba morafe le baopedi le badisa ba dikgoro le batlhanka ba Tempele ba aga kwa metseng ya bone le Baiseraele botlhe kwa metseng ya bone.