TSHENOLO 5

₁Mo seatleng se segolo sa yo o dutseng mo setulong sa bogosi, ka bona lokwalo lo kwadilwe ka fa teng le ka fa ntle, lo kannwe thata ka dikano di supa. ₂Ka bona moengele yo o thata a bolela ka lentswe le le godileng a re: “Mang yo o nang le tshwanelo ya go menolola lokwalo, le go kanolola dikano tsa lone?” ₃Mme ga bo go se ope mo legodimong, le mo lefatsheng, le kwa tlase ga lefatshe, yo o nonofileng go menolola lokwalo, le fa e le go leba mo go lone. ₄Mme ka lela thata, ka go se ka ga fitlhelwa ope yo o nang le tshwanelo ya go menolola lokwalo, le fa e le go leba mo go lone. ₅Mme mongwe wa bagolwane a nthaya a re: “Se lele! Bona, Tau, yo o leng wa lotso lwa Juta, Modi wa ga Dafite, o fentse go menolola lokwalo le go kanolola dikano tse supa tsa lone.”

₆Ya re mo gare ga setulo sa bogosi, le fa gare ga ditshedi tse nne, le mo gare ga bagolwane, ka bona Kwana a eme, a ntse jaaka e kete o tlhabilwe, a le dinaka di supa, le matlho a supa, a e leng Mewa e supa ya Modimo, e e romilweng mo lefatsheng lotlhe.

₇Mme a tla a tsaya lokwalo mo seatlang se segolo sa yo o dutseng mo setulong sa bogosi. ₈Ya re a sena go tsaya lokwalo, ditshedi tse nne, le bagolwane ba 24, ba wela fa pele ga Kwana, mongwe le mongwe a tshotse harepa, le megotšana ya gouta e tletse maswalo, a e leng merapelo ya baitshepi. ₉Ba opela sefela se seša ba re:

₁₁Ka leba, ka utlwa lentswe la baengele ba le bantsi, ba ba mo tikologong ya setulo sa bogosi, le la ditshedi le bagolwane; palo ya bone e ne e le makgolo a makgolo, le makgolo a sedikadike; ₁₂ba bua ka lentswe le le godileng ba re:

₁₃Sebopiwa sengwe le sengwe se se mo legodimong, le se se mo lefatsheng, le se se kwa tlase ga lefatshe, le se se mo lewatleng, le dilo tsotlhe tse di mo go tsone, ka di utlwa di re:

₁₄Ditshedi tse nne tsa re: “Amen!” Bagolwane ba wela fa fatshe ba obamela Modimo.