Pesalema 91

₁Ene yo o agileng

mo felong fa go sa itsiweng

ga Mogodimodimo,

o tlaa nnela ruri fa tlase ga moriti

wa Mothatayotlhe.

₂Ke tlaa bua ka ga Jehofa, ke re:

“Ke ene botshabelo jwa me,

le kago ya me ya phemelo;

Modimo wa me o ke o ikantseng.”

₃Gonne o tlaa go golola

mo serung sa mothaa-nonyane,

le mo kgogoding ya leroborobo.

₄O tlaa go bipa

ka diala tsa gagwe tsa diphuka,

mme o tlaa ya botshabelong

fa tlase ga diphuka tsa gagwe;

boammaaruri jwa gagwe

ke thebe le thejane.

₅Ga o ketla o boifa

se se rerang bosigo,

le fa e le motswi

o o thokgoselang motshegare;

₆le fa e le kgogodi

e e tsamayang mo fifing;

le fa e le tshenyo e e swafatsang

motshegare o mogolo.

₇Go ka wa batho

ba le makgolo a le some

ka fa tlhakoreng lwa gago;

le ba le makgolo a le lekgolo

ka fa letsogong la gago le legolo;

mme wena,

ga go ketla go go atamela.

₈Fa e se ka matlho a gago osi fela

o tlaa leba,

mme o bona tefetso ya baikepi.

₉Gonne o rile:

“Wena, Jehofa,

o botshabelo jwa me.”

Mogodimodimo

o mo ntshitse bonno jwa gago;

₁₀ga go na bosula bope

jo bo tlaa go welang,

le gone ga go na petso epe

e e tlaa atamelang mogope wa gago.

₁₁Gonne o tlaa go laelela baengele

ba gagwe, go tla ba go boloka

mo ditsamaong tsotlhe tsa gago.

₁₂Ba tlaa go legelela

ka diatla tsa bone,

gore e se re gongwe lonao lwa gago

lwa tla lwa sugakanngwa ke lentswe.

₁₃O tlaa gata tau le noga;

o tlaa sobotlela tawana le šaušawane

tlase ga dinao tsa gago.

₁₄“E re ka a tlhomile lorato

lwa gagwe mo go nna,

ke gone ka moo

ke tlaa mo gololang;

ke tlaa mmaya fa godimo,

ka gobo a itsile leina la me.

₁₅O tlaa mpitsa,

mme ke tlaa mo araba;

ke tlaa nna nae mo tlalelong,

ke tlaa mo golola,

ke tlaa mo tlotla.

₁₆Ke tlaa mo thethebatsa pelo

ka botshelo jo boleele,

ke mo supetsa poloka ya me.”