Pesalema 87

₁Motheo wa gagwe o mo

dithabeng tse di boitshepo.

₂Jehofa o rata dikgoro tsa Sione

bogolo go maago a ga Jakobe

otlhe fela.

₃Dilo tse di galalelang

di buiwa ka ga gago,

wena motse wa Modimo. Sela.

₄Ke tlaa nna ke umaka Rahabe,

le Babilone

fa ba le mo go bone ba ba nkitseng;

bona Filisitia, le Ture,

ba na le Ethiopia:

“Ene yo o tsaletswe gone.”

₅Ee, ka ga Sione go tlaa twe: “Yo

le yole ba tsaletswe mo go ene;”

mme Mogodimodimo ka esi

o tlaa mo tlhomamisa.

₆Jehofa o tlaa re a kwala ditšhaba,

a bale a re:

“Ene yo, o tsaletswe gone.” Sela.

₇Ba ba opelang,

le ba ba binang ba tlaa re:

“Metswedi ya me yotlhe

e mo go wena.”