Pesalema 23

₁Jehofa ke modisa wa me;

ga nketla ke tlhoka sepe.

₂O mpothisa mo mafulong a matalana;

o nkgogela ka fa metsing

a a didimetseng.

₃O rudisa mowa wa me;

o ntsamaisa mo ditseleng

tsa tshiamo

ka ntlha ya leina la gagwe.

₄Ee, le fa ke ralala mogogoro

wa moriti wa loso,

ga nketla ke boifa bosula bope;

gonne o na le nna;

kgoge ya gago, le thobane ya gago,

tsone di a nkgomotsa.

₅O a tle o baakanye bojelo

fa pele ga me,

mo ponong ya baba ba me;

o tloditse tlhogo ya me ka lookwane;

senwelo sa me se a penologa.

₆Ruri molemo o tlaa ntshala morago

le boutlwelobotlhoko,

ka malatsi otlhe a go tshela ga me;

mme ke tlaa aga mo ntlong

ya ga Jehofa ka bosakhutleng.