Pesalema 128

₁Go sego mongwe le mongwe

yo o boifang Jehofa,

yo o tsamayang mo ditseleng

tsa gagwe.

₂Gonne o tlaa ja tiro ya diatla

tsa gago; o tlaa segofala,

mme go tlaa nna sentle nao.

₃Mosadi wa gago o tlaa nna

jaaka mofine o o ungwang thata

mo tengteng ga ntlo ya gago;

bana ba gago ba tlaa nna

jaaka matswela a motlhware,

ba dikanyetsa lomati lwa bojelo

lwa gago.

₄O bo o bone gore

monna yo o boifang Jehofa

o tlaa segofadiwa jalo.

₅Jehofa o tlaa go segofatsa

a le mo Sione;

mme o tlaa bona molemo wa

Jerusalema ka malatsi otlhe

a botshelo jwa gago.

₆Ee, o tlaa bona bana ba bana

ba gago.

A kagiso e nne mo go Iseraele.